თამარ წერეთელი

დაბადების ადგილი: სოფელი სვერი, ჭიათურის რაიონი.

1917 წელს ქუთაისში დაამთავრა წმინდა ნინოს სასწავლებელი და ჩაირიცხა თბილისის კონსერვატორიაში, მაგრამ სწავლა არ დაუმთავრებია; 1923 წელს გაემგზავრა მოსკოვში სადაც კონსერვატორიის მცირე დარბაზში ტრიუმფალურად დაიწყო კარიერა, სადაც ორმოცი წლის განმავლობაში იდგა; ხავერდოვანი ტემბრის დაბალი ხმა ჰქონდა(კონტრალტო); 1920 წლიდან დაიწყო საკონცერტო მოღვაწეობა, რომელსაც დიდი წარმატება ხვდა წილად; ის ითვლებოდა ბოშური სიმღერების უბადლო შემსრულებლად, რომანსების გარდა რეპერტუარში ჰქონდა ქართული ხალხური სიმღერები და საბჭოთა კომპოზიტორების ნაწარმოებებიც; მომღერლის შემოქმედებაზე დიდი გავლენა მოახდინა ცნობილმა კომპოზიტორმა და პიანისტმა ბ. პროზოროვსკიმ, რომლის შესანიშნავ რომანსებს "ქარავანი", "დამიბრუნდი" უბადლოდ ასრულებდა. საესტრადო ხელოვნების გამოჩენილი ოსტატი.

წყარო: მუსიკის ენციკლოპედიური ლექსიკონი. – თბ., 2007. – გვ.326

• 1958 - საქართველოს დამსახურებული არტისტი