ალექსი ბუჩუკური

დაბადების ადგილი: სოფელი ქვეშეთი, დუშეთის რაიონი.

დაამთავრა თბილისის სასოფლო-სამეურნეო ინსტიტუტის აგრონომ-ზოოტექნიკოსის სპეციალობით 1930 წელს.

1932-1934წწ. მუშაობას იწყებს ბოგდანოვკის რაიონის მეურნეობის დირექტორის მოადგილედ, ხოლო შემდეგ თბილისში ტრესტის განყოფილების გამგედ; 1934-1938წწ. საქართველოს ზოოტექნიკურ-სავეტერინარო ინსტიტუტის სოფლის მეურნეობის წარმოების ორგანიზაციის კათედრის ასისტენტი, 1938-1940წწ. დოცენტი და კათედრის გამგეა; 1940-1945წწ. კვლავ წარმოებაშია და მუშობს ხელმძღვანელ პასუხსაგებ თანამდებობებზე, ხოლო1945-1948წწ. საქართველოს მეცხოველეობის სამეცნიერო-კვლევითი ინსტიტუტის დირექტორია; 1949-1972წწ. ზოოვეტერინარული ინსტიტუტის მეცხოველეობის კათედრის გამგე, 1972-1988წწ. ამავე კათედრის დოცენტი. არის 45 სამეცნიერო ნაშრომის ავტორი, რომლებიც ეხება რესპუბლიკის სოფლის მეურნეობის აქტუალურ საკითხებს, მეცხოველეობის დარგების ეკონომიკა-ორგანიზაციის საკითხებს, საქართველოს მომთაბარე მეცხვარეობის სრულყოფას, ჩრდილოეთ კავკასიის ზამთრის საძოვრების ეფექტურ გამოყენებას და სხვ. სოფლის მეურნეობის მეცნიერებათა კანდიდატი, დოცენტი(1949), ზოოტექნიკოსი.

საკანდიდატო დისერტაციის თემა - "აღმოსავლეთ საქართველოს მეცხოველეობის ეკონოკა-ორგანიზაციის საკითხები", დაიცვა 1946 წელს.

წყარო: საქართველოს ზოოტექნიკური განათლებისა და მეცნიერების ფუძემდებლები. – თბ., 2004. – გვ.174