გივი ხატიაშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1951 წელს (ვიოლინოს კლასი. პროფ. ლ. შიუკაშვილი) მე-2 კურსიდან გადავიდა მოსკოვის კონსერვატორიაში (პროფ. ი. რაბინოვიჩის კლასი), რომელიც 1948 წელს დაამთავრა.

1944–1967 წლებში იყო საქართველოს ფილარმონიის სახელმწიფო სიმებიანი კვარტეტის ერთ-ერთი წევრი, რომელიც 1946 წელს გადაკეთდა სახელმწიფო კვარტეტად; კვარტეტი დიდი წარმატებით გამოდიოდა სსრკ ქალაქებსა და საზღვარგარეთის ქვეყნების სცენებზე; კვარტეტს მიღებული აქვს საერთაშორისო კონკურსების ლაურეატის წოდება; საკონცერტო მოღვაწეობასთან ერთად ხელოვანი პედაგოგიურ მოღვაწეობასაც ეწეოდა ვიოლინოს ხაზით; 1951 წლიდან იყო თბილისის ზაქარია ფალიაშვილის სახელობის სამუსიკო გიმნაზიის პედაგოგი, 1957 წელს ვ. სარაჯიშვილის სახელობის თბილისის სახელმწიფო კონსერვატორიის პედაგოგია, ხოლო, 1967 წლიდან ზაქარია ფალიაშვილის სახელობის სამუსიკო გიმნაზიის დირექტორი; 1985 წლიდან პროფესორი.

წყარო: მუსიკის ენციკლოპედიური ლექსიკონი. – თბ., 2007. – გვ. 332; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.415; 2007 წლის საიუბილეო თარიღები: (თეატრი, მუსიკა, კინო, ქორეოგრაფია),- თბ., 2007.- გვ.4

• 1996 - ღირსების ორდენი
  ქართული მუსიკალური ხელოვნების განვითარებაში შეტანილი დიდი წვლილისა და ნაყოფიერი პედაგოგიური მოღვაწეობისთვის
• 1965 - საქართველოს დამსახურებული არტისტი
• 1951 - სსრკ სახელმწიფო პრემია