ზაქარია ხუროძე

დაბადების ადგილი: ქ. ქუთაისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1948 წელს (კლარნეტისა და მუსიკის თეორიის განხრით).

1946–1948წწ. მუშაობდა სიმფონიურ ორკესტრში როგორც კლარნეტისტი; 1952–1954წწ. იყო საქართველოს სახელმწიფო სიმფონიური ორკესტრის დირიჟორ–ასისტენტი, 1959–1973წწ. მთავარი დირიჟორი; 1952–1959წწ. და 1978 წლიდან ზ. ფალიაშვილის სახელობის თბილისის ოპერისა და ბალეტის თეატრის დირიჟორი; 1954–1959წწ. საქართველოს რადიოსა და ტელევზიის სიმფონიური ორკესტრის მთავარი დირიჟორი; ეწეოდა პედაგოგიურ მოღვაწეობას ვ. სარაჯიშვილის სახელობის თბილისის სახელმწიფო კონსერვატორიაში, 1976 წლიდან იყო პროფესორი; მისი რეპერტუარი შეიცავდა მსოფლიო მუსიკალური კლასიკის მრავალ ნიმუშს; იგი ქართველი კომპოზიტორების ახალი ნაწარმოებების პირველი შემსრულებელია; ავტორია წიგნისა: "შ. მშველიძის "ზვიადაურის" საშემსრულებლო ექსპოზიცია (1978).

წყარო: მუსიკის ენციკლოპედიური ლექსიკონი. – თბ., 2007. – გვ. 335; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.335

• 1996 - ღირსების ორდენი
  ქართული საოპერო და საბალეტო ხელოვნების განვითარებაში შეტანილი თვალსაჩინო წვლილისა და განსაკუთრებული მოღვაწეობისათვის
• 1984 - საქართველოს სახალხო არტისტი

• სიმფონიურ სამყაროში (ავტორი). - თბილისი, ს/ს "ბეჭდვითი სიტყვის კომბინატი", 1999. - 304გვ.