ცირა მანჯგალაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1979 წელს.

1979–1981წწ. იყო თბილისის სახელმწიფო სამედიცინო ინსტიტუტის სამკურნალო ფაკულტეტის ნერვულ სნეულებათა კათედრის კლინიკური ორდინატორი; 1981–1982წწ. თბილისის II სამედიცინო სასწავლებლის ფსიქიატრიისა და ნევროლოგიის პედაგოგი; 1982–1986წწ. თბილისის სახელმწიფო სამედიცინო ინსტიტუტის სამკურნალო ფაკულტეტის ნერვულ სნეულებათა კათედრის უფროსი ლაბორანტი, 1988 წელს კათედრის სტაჟიორი მასწავლებელი.  ავტორია 12 სამეცნიერო ნაშრომისა. მედიცინის მეცნიერებათა კანდიდატი, თბილისის სახელმწიფო სამედიცინო უნივერსიტეტის სამკურნალო ფაკულტეტის ნერვულ სნეულებათა კათედრის ასისტენტი.

საკანდიდატო დისერტაციის თემა - "ორსულობის შეწყვეტის მიზნით ზოგიერთი სამკურნალო პრეპარატის ტოქსიკური დოზებით მიღების შედეგად განვითარებული ჰიპოთალამური სინდრომის შესახებ", დაიცვა 1987 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.186