აბელ მამარდაშვილი

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1958 წელს.

1958–1961წწ. - სურამის, თბილისის ფსიქიატრიული საავადმყოფოს ექიმი-ორდინატორი; 1961–1964წწ. - ფსიქიატრიის ინსტიტუტის უფროსი ლაბორანტი; 1964–1969წწ. - რესპუბლიკური ფსიქიატრიული კლინიკური საავადმყოფოს ექიმი-ორდინატორი; 1969–1972წწ. - ფსიქიატრიის ინსტიტუტის მეცნიერ-თანამშრომელი; 1972–1979წწ. - ნარკოლოგიური, საორგანიზაციო განყოფილებების მეცნიერ–ხელმძღვანელი; 1979–1996წწ. - რესპუბლიკური ფსიქიატრიული საავადმყოფოს მთავარი ექიმი; 1996 წლიდან - ფსიქიატრიის სამეცნიერო-კვლევითი ინსტიტუტის დირექტორის მოადგილე, კლინიკის მთავარი ექიმი. ავტორია 41 სამეცნიერო ნაშრომისა, რომლებიც ეხება ეპილეფსიის, ნარკომანიის, შიზოფრენიის, სასამართლო–ფსიქიატრიული ექსრერტიზის საკითხებს. მათ შორისაა ერთი მონოგრაფია: "უჯრედთა ზოგიერთი თავდაცვითი გამოვლინებანი ეთანოლის მოქმედებით" (1986). იყო თბილისის სამედიცინო აკადემიის ფსიქიატრიის კათედრის გამგე, საქართველოს სასამართლო–ფსიქიატრიული ექსპერტიზის ხელმძღვანელი. 1975–1986წწ. იყო თბილისის მთავარი ფსიქიატრი; 1982–1989წწ. რესპუბლიკის მთავარი ნარკოლოგი. მიღებული აქვს საქართველოს უმაღლესი საბჭოს პრეზიდიუმის საპატიო სიგელი (1976). ექიმი-ფსიქიატრი, მედიცინის მეცნიერებათა დოქტორი (2002).

საკანდიდატო დისერტაციის თემა - "მასალები ეპილეფსიური ჭკუასუსტობის ფსიქოპათოლოგიის შესწავლისათვის", დაიცვა 1969 წელს; სადოქტორო დისერტაციის თემა - "ქრონიკული ალკოჰოლიზმის მიმდინარეობის დიფერენცირების კლინიკური, ფსიქოლოგიური და ლაბორატორიული დეტერმინანტები", დაიცვა 2002 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.182; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.348; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.357

• ნიუ–იორკის მეცნიერებათა აკადემია, წევრი
• სამედიცინო–სოციალურ მეცნიერებათა აკადემია, აკადემიკოსი
• ფსიქიატრთა და ნარკოლოგთა სამეცნიერო საზოგადოება, გამგეობის წევრი (1981-)

• 1998 - ღირსების ორდენი
  მოსახლეობის ჯანმრთელობის დაცვაში შეტანილი პირადი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისათვისა და ნაყოფიერი მოღვაწეობისათვის
• 1986 - ხალხთა მეგობრობის ორდენი
• 1986 - საქართველოს დამსახურებული ექიმი

• ვებრძოლოთ ლოთობასა და ალკოჰოლიზმს : ლექტორთა დასახმარებლად (ავტორი). - თბილისი, საქ. სსრ საზ-ბა ცოდნა, 1985. - 24გვ.