ალექსანდრე ნათაძე

დაბადების ადგილი: სოფელი ალევი, დუშეთის მაზრა.

დაამთავრა გორის საოსტატო სემინარია 1882 წელს.

რამდენიმე ხანს სოფლად მუშაობდა მასწავლებლად; 1884-1904წწ. ასწავლიდა თბილისის ქართულ გიმნაზიაში; 1905 წელს მუშაობა დაიწყო ბათუმის გიმნაზიაში ქართული ენის მასწავლებლად; 1905 წლის რევოლუციის დროს სახალხო მოძრაობაში მონაწილეობისათვის სკოლიდან დაითხოვეს და ერთი პერიოდი უმუშევარი იყო, მაგრამ ბოლოს მაინც შეძლო ნუხის სამოქალაქო სასწავლებელში მოწყობა და სიცოცხლის ბოლომდე აქ ასწავლიდა. პრაქტიკულ საქმიანობასთან ერთად თანამშრომლობდა სხვადასხვა ჟურნალ-გაზეთებში, აგრეთვე საბავშვო ჟურნალებში "ჯეჯილსა" და "ნაკადულში" აქვეყნებდა პედაგოგიური ხასიათის წერილებს. გამოქვეყნებული აქვს პედაგოგიური ხასიათის წერილები და სახელმძღვანელო "ბავშვის მოკეთე ანუ ანბანი და პირველი საკითხავი წიგნი სკოლებში სახმარებლად" (1897 წ.).

წყარო: განმანათლებლობა საქართველოში - იდეები და მოღვაწეები: nateba.webbreeze.net; სახალხო განათლების ქართველი მოღვაწეები და სახალხო მასწავლებლები. კრ. 2/საქართველოს სსრ განათლების სამინისტროს სახალხო განათლების სახელმწიფო მუზეუმი, რედაქტორი ალ. შვანგირაძე. -თბ., 1955.-გვ.239-242; წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.437-438

• ქართველთა შორის წერა-კითხვის გამავრცელებელი საზოგადოება, წევრი (1899-)

• ბავშვის მოვლა : პედაგოგიური წერილები (ავტორი). - თბილისი, ბაქოს ამხ. "კალამი"-ს გამოცემა N1, 1906. - 95გვ.
• მელიას თავ-გადასავალი : საყმაწვილო ზღაპარი (ავტორი). - ტფილისი, "ტოროლას"-ს გამოცემა, 1904. - 136გვ.
• ჩვენს დედებს : პედაგოგიური წერილები (ავტორი). - ტფილისი, დ. ჯმუხაძის გამოცემა, 1902. - 112გვ.
• "ბავშვების მოკეთე" ანუ ანბანი და პირველი საკითხავი წიგნი სკოლებში სახმარებელი (ავტორი). - თბილისი, ამხ. გამოცემა, 1897. - 156გვ.
• მეთოდიური სახელმძღვანელო სამშობლო ენის შესასწავლებლად (ავტორი). - თბილისი, გრ. ჩარკვიანის სტ., 1886. - 62გვ.