ქეთო ჯაფარიძე

დაბადების ადგილი: სოფელი ქვიშხეთი, ახლანდელი ხაშურის რაიონი.

სწავლობდა ვანო სარაჯიშვილის სახელობის თბილისის სახელმწიფო კონსერვატორიაში 1919–1921წწ.

1927 წელს გაემგზავრა გერმანიაში, 1930 წელს კი დაბრუნდა სამშობლოში; 1931 წელს თბილისში შედგა მომღერლის დებიუტი(საესტრადო მომღერალი); 1937 წლიდან იყო ლენინგრადის სახელმწიფო ესტრადის მსახიობი; 1942 წლიდან იყო საგასტროლო საკონცერტო გაერთიანების, ხოლო 1950–1957წწ. საქართველოს სახელმწიფო ფილარმონიის სოლისტი; მონაწილეობდა საქართველოს სახელმწიფო საესტრადო ორკესტრის ჩამოყალიბებაში; 1930–1950წწ. ერთ–ერთი პოპულარული საესტრადო მომღერალი იყო; განსაკუთრებით გამოიჩინა თავი მომღერალმა სამამულო ომის პერიოდში, გამოდიოდა ჰოსპიტლებსა და სამხედრო ნაწილებში; ასრულებდა ქართულ, რუსულ და ბოშურ რომანსებს, ქართველ კომპოზიტორთ ლირიკულ სიმღერებს. მიღებული აქვს მოსკოვის ესტრადის მსახიობთა I საკავშირო კონკურსის (1939) I პრემია. პოეტ იოსებ გრიშაშვილის მეუღლე.

წყარო: მუსიკის ენციკლოპედიური ლექსიკონი. – თბ., 2007. – გვ. 338 

• 1956 - საქართველოს სახალხო არტისტი