მერაბ მაჭავარიანი

დაბადების ადგილი: ქ. ზესტაფონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1951 წელს.

1951–1954წწ. იყო ქ. კოსტრომის მე–2 საავადმყოფოს ქირურგი–ორდინატორი; 1955–1957წწ. თბილისის ტრავმატოლოგია–ორთოპედიის სამეცნიერო–კვლევითი ინსტიტუტის კლინიკური ორდინატორი; 1957–1967წწ. მეცნიერ–თანამშრომელი; 1967–1971წწ. უფროსი მეცნიერ–თანამშრომელი; 1971–1972წწ. ბავშვთა ტრავმატოლოგიური განყოფილების ხელმძღვანელი; 1972–1974წწ. ტრავმატოლოგიის და ორთოპედიის სამეცნიერო კვლევითი ინსტიტუტის დირექტორი. 1979 წლიდან ბავშვთა ტრავმატოლოგიური განყოფილების ხელმძღვანელი. ავტორია 71 სამეცნიერო ნაშრომის. გამოქვეყნებული აქვს ორი შრომა. ხელმძღვანელობს სამეცნიერო განყოფილებას. წლების განმავლობაში მონაწილეობდა საკავშირო ყრილობებში, სიმპოზიუმებში. ეწევა პედაგოგიურ მოღვაწეობას. ტრავმატოლოგ–ორთოპედი, მედიცინის მეცნიერებათა კანდიდატი. 

საკანდიდატო დისერტაციის თემა - "წვივის ძვლების მოტეხილობების მკურნალობა", დაიცვა 1965 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.192; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.341

• საქართველოს რესპუბლიკის მ. ცხაკაიას სახ. ტრავმატოლოგ–ორთოპედიის სამეცნიერო საზოგადოება, თავმჯდომარე
• საქართველოს ტრავმატოლოგთა ასოციაცია, წევრი

• 2000 - ღირსების ორდენი