ილიკო აბაშიძე

დაბადების ადგილი: ქ. გურჯაანი.

დაამთავრა მოსკოვის კონსერვატორია 1917 წელს.

თავდაპირველი განათლება მიიღო თბილისის სათავადაზნაურო გიმნაზიაში; 1904 წელს დაამთავრა თბილისის მუსიკალურ სკოლა; სწავლა გააგრძელა მოსკოვის ფილარმონიულ სასწავლებელში, შემდეგ პეტერბურგის კონსერვატორიაში, პედაგოგ ვ. ი. საფონოვთან(ფორტეპიანო), კ. ი. დავიდოვთან(ვიოლონჩელო), ე. მ. ბრაუდოსთან (მუსიკის ისტორია).

მოსკოვიდან საქართველოში დაბრუნების შემდეგ ეწეოდა საკონცერტო მოღვაწეობას თბილისსა და ქუთაისში; იყო ორგანიზატორი და ერთ–ერთი წევრი პირველი ქართული ტრიოსი (მ. ევთიშვილი – ფორტეპიანო, ვ. რელიგიონი – ვიოლინო და ი. აბაშიძე – ვიოლონჩელო); იყო ქუთაისში მ. ბალანჩივაძის მიერ დაარსებული მუსიკალური სასწავლებლის პედაგოგი და გამგე; დააარსა და იყო ლოტბარი მოსწავლეთა გუნდისა; ა. ყარაშვილის სიმებიანი კვარტეტისა და სხვა კამერულ–ინსტრუმენტული ანსამბლების წევრი; ასრულებდა ქართულ და ევროპულ მუსიკალურ ნაწარმოებებს; აქტიურად მოღვაწეობდა XX საუკუნის 20–იან წლებამდე; აქვს მუსიკალური პუბლიკაციები; ვიოლონჩელისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 7; ქართველ მოღვაწეთა ლექსიკონი:1801-1952: ტ.I .-თბ.,2018.-გვ.39; საქართველოს დემოკრატიული რესპუბლიკის 1918-1921 სამუსიკო ცხოვრება/რედაქტორ-შემდგენლები: კატო ჯავახიშვილი, სალომე ჭანტურიძე, მირიან ხოსიტაშვილი.-თბ., 2021.-გვ.129 

• საქართველოს დამსახურებული პედაგოგი