ნანული აბესაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1964 წელს (ინგლისური ენის ფაკულტეტი).

1960 წლიდან დაიწყო სასცენო მოღვაწეობა ტექნიკური უნივერსიტეტის საესტრადო ორკესტრში; 1964–1970წწ. იყო საქართველოს სახელმწიფო ანსამბლ "რეროს" წევრი; 1970–1974წწ. ანსამბლ "დიელოს" წევრი; 1974–1986წწ. საქართველოს სახელმწიფო ხალხური სიმღერის ანსამბლ "თბილისის" წევრი; ანსამბლ "თბილისთან" ერთად გახდა საერთაშორისო ფოლკლორული ფესტივალის ლაურეატი (1980); 1979-1986 წლებში იყო ანსამბლ "რუსთავის" წევრი, მათთან ერთდ საგასტროლოდ მოგზაურობდა ჰოლანდიაში, შვედეთში; მღეროდა დუეტში კოროშინაძესთან, ტრიოში ს. კოროშინაძესა და გ. ჭირაქაძესთან ერთად; გამართული აქვს სოლო კონცერტები გერმანიაში, საფრანგეთში, ასევე საგასტროლოდ მოგზაურობდა კანადაში, ინგლისში, ნიკარაგუაში, ისლანდიაში, ინდოეთში. რეპერტუარში აქვს: ქართველ კომპოზიტორთა სიმღერები, რუსული რომანსები; მონაწილეობდა სხვადასხვა ფესტივალებში ("ბარვეს" ფესტივალი, გერმანია); საგასტროლოდ მოგზაურობდა სსრკ–ის ქალაქებში, საფრანგეთში; ესტრადის მომღერალი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 9; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.283

• 2025 - თბილისის საპატიო მოქალაქე
• 1998 - ღირსების ორდენი
  თანამედროვე ქართული საესტრადო ხელოვნების განვითარებასა და პოპულარიზაციაში შეტანილი პირადი დიდი წვლილისა და ნაყოფიერი შემოქმედებითი მოღვაწეობისათვის
• 1983 - საქართველოს დამსახურებული არტისტი
• ბათუმის საპატიო მოქალაქე