სიუზი მდივანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1960 წელს.

1962–1964წწ. იყო ჯანდაცვის სამინისტროს სანიტარულ–ქიმიური ლაბორატორიის ექიმი–ტოქსიკოლოგი, 1964–1969წწ. წლებში რენტგენოლოგიისა და რადიოლოგიის სამეცნიერო–კვლევითი ინსტიტუტის თანამშრომელი; 1969–1985წწ. აკად. მ. წინამძღვრიშვილის სახელობის კლინიკური და ექსპერიმენტული კარდიოლოგიის ინსტიტუტის უმცროსი მეცნიერ–თანამშრომელი, 1985 წლიდან ამავე ინსტიტუტის უფროსი მეცნიერ–თანამშრომელი. არის 29 სამეცნიერო ნაშრომის და 2 მეთოდური რეკომენდაციის ავტორი. გამოქვეყნებული აქვს სამეცნიერო–პოპულარული ლიტერატურა: "რა ვიღონოთ სისხლში მომატებული ცხიმების შემთხვევაში", "გულის დაავადებების გარშემო ყველაზე ხშირად დასმული კითხვები და პასუხები". კარდიოლოგი, მედიცინის მეცნიერებათა კანდიდატი, უმაღლესი კატეგორიის ექიმი.

საკანდიდატო დისერტაციის თემა - "ფიზიკური შრომისუნარიანობის შეფასება  რთული მიტრალური მანკით დაავადებულ ქალებში", დაიცვა 1981 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.196