ედუარდ აბრამიანი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1950 წელს(საკომპოზიციო, საფორტეპიანო).

1943 წელს დაამთავრა თბილისის ზ. ფალიაშვილის სახელობის "ნიჭიერთა ათწლედი"; 1951–1953წწ. მეცადინეობდა მოსკოვში სომხეთის სსრ კულტურის სახლის სტუდიაში, პედაგოგ გ. ი. ლიტინსკისთნ(კომპოზიცია), 1961 წლიდან იყო ერევნის კონსერვატორიის პედაგოგი(ფორტეპიანო), 1979 წლიდან სავალდებულო ფორტეპიანოს კათედრის გამგე, 1980 წლიდან პროფესორი; დაწერილი აქვს: მუსიკალური კომედია "აგაფონი და მისი სიძეები"(1969, ერევანი), საორკესტრო –  "პოემა სამშობლოს"(1950), საორკესტრო "ცეკვები"(1951), საფორტეპიანო კონცერტი(1950), კამერულ–ინსტრუმენტული, კამერულ–ვოკალური ნაწარმოებები, გუნდები, მუსიკა დრამატული სპექტაკლებისათვის.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 10

• 1965 - სომხეთის ხელოვნების დამსახურებული მოღვაწე