მოსე ნათაძე

დაბადების ადგილი: სოფელი ალევი,  დუშეთის მაზრა.

სწავლობდა თბილისის სასულიერო სემინარიაში, მაგრამ სხვა მოსწავლეებთან ერთად აკრძალული ლიტერატურის კითხვისა და რევოლუციური სულისკვეთების გამომჟღავნების გამო სემინარიიდან გამორიცხეს. 1874-1875წწ. მასწავლებლად მოეწყო სოფელ პატარძეულში; 1876 წლიდან მუშაობდა მეჯვრისხევის სკოლაში. სოფელ მეჯვრისხევის შემდეგ იგი რამდენიმე ხანს მასწავლებლობდა ხონის ორკლასიან სასწავლებელში. განსაკუთრებულია მისი ამაგი "ქართველთა შორის წერა-კითხვის გამავრცელებელი საზოგადოების" სკოლაში ბათუმში, სადაც 1882 წელს დაიწყო მუშაობა. განსაკუთრებულ ყურადღებას აქცევდა იგი ქართველ მაჰმადიანებს, რომელთა აღზრდაც იმ დროს მთლიანად ფანატიკოსი ხოჯების ხელთ იყო და მოითხოვდა რომ მესხეთ-აჭარასა და საინგილოში სწავლის საქმე გაძლიერებულიყო. დროდადრო ქართულ ჟურნალ-გაზეთებში აქვეყნებდა წერილებსა და კორესპონდენციებს.

წყარო: http://nateba.net/index.php/biographies/145-natadze-mo