ალექსანდრე ნანეიშვილი

დაბადების ადგილი: სოფელი ორპირი.

საშუალო განათლება ქუთაისის გიმნაზიაში მიიღო, რომლის დამთავრების შემდეგ სწავლა გააგრძელა პეტერბურგის სამედიცინო-ქირურგიულ აკადემიაში, საიდანაც იძულებული გახდა კურსის დაუმთავრებლად სამშობლოში დაბრუნებულიყო. იგი აქტიურად ჩაება პოლიტიკურ-საზოგადოებრივ მუშაობაში და პედაგოგიურ მოღვაწეობას მიჰყო ხელი. 1981 წელს მასწავლებლად დაიწყო მუშაობა ბათუმის ახალგახსნილ საქალაქო სასწავლებელში; 1982 წელს განთავისუფლდა მასწავლებლის თანამდებობიდან და ამ პერიოდიდან იგი აქტიურად თანამშრომლობდა ქართველ ხალხოსანთა ჟურნალ "იმედში", აგრეთვე "ივერიაში", გაზეთ "დროებაში" ჟურნალ "მოამბეში", გაზეთ "ნოვოე ობოზრენიეში" და სხვ. როგორც ხალხოსანი, აქტიურად ეხმაურებოდა მრავალ საჭირბოროტო პოლიტიკურ, საზოგადოებრივ და ეკონომიკურ საკითხს. 1884 წელს სხვა ქართველ ხალხოსნებთან ერთად იგი ციმბირში გადაასახლეს; 1887 წელს იგი სამშობლოში დაბრუნდა და განაგრძო პუბლიცისტურ-ლიტერატურული მოღვაწეობა. მის კალამს ეკუთვნის მრავალი წერილი სხვადასხვა საჭირბოროტო რთულ საკითხზე. თავისი პედაგოგიური ხასიათის წერილებში იგი ეხებოდა მშობლიური ენის სწავლების აუცილებლობას, მოსწავლეთა ფიზიკური აღზრდის საჭიროებას, უმაღლესი განათლების მდგომარეობას, ქალთა სწავლა-განათლების საკითხებს და სხვ.

წყარო: ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.135; განმანათლებლობა საქართველოში. იდეები და მოღვაწეები: nateba.webbreeze.net

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1902-)