მიხეილ ნასიძე

დაბადების ადგილი: სოფელი მაღარო, სიღნაღის რაიონი.

წარჩინებით დაამთავრა თბილისის სამასწავლებლო ინსტიტუტი და იმავე ინსტიტუტში დატოვეს მასწავლებლად. თბილისის სამასწავლებლო ინსტიტუტში პედაგოგიურ მოღვაწეობას ეწეოდა 16 წლის განმავლობაში. დაუსწრებლად დაამთავრა აგრეთვე იურიდიული ფაკულტეტი, მიიღო ვექილად მუშაობის უფლება და ერთი პერიოდი ვექილად მუშაობდა. საქართველოში საბჭოთა ხელისუფლების დამყარების შემდეგ, სხვადასხვა დროს მუშაობდა სიღნაღის ჰუმანიტარული ტექნიკუმის მასწავლებლად; მასწავლებლობდა წითელწყაროს საკოლმეურნეო სკოლაში და წერა-კითხვის უცოდინარობის სალიკვიდაციო სკოლებში. თანამშრომლობდა სიღნაღის გაზეთ "სინათლეში"; ერთ დროს მსახურობდა აგრეთვე სამაზრო სტატბიუროს გამგედ. მნიშვნელოვანი ამაგი მიუძღვის ქართულ პერიოდულ პრესაში პედაგოგიური ხასიათის პრობლემების დამუშავებაში. ავტორია რამდენიმე დამხმარე წიგნისა ქართულ ენასა და ლიტერატურაში.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.294; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.134; განმანათლებლობა საქართვერლოში - იდეები და მოღვაწეები: nateba.webbreeze.net

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1884-)

• კაცობრიობა სამჯავროს წინაშე (ავტორი). - თბილისი, არ. კერესელიძის სტ., 1912. - 24გვ.
• ძირითადი ცოდნა ანუ ცხოვრების შესავალი (ავტორი). - ტფილისი, ქსანი-ს [ნასიძე] გამოცემა N4, 1907. - 16გვ.
• ვახტანგ მეექვსე (ავტორი). - თბილისი, გრ. ჩარკვიანის სტ., 1887. - 54გვ.
• საბა-სულხან ორბელიანი : 1. წინასიტყვობა. 2. ბიოგრაფია. 3. რჩეული იგავები და არაკები "სიბრძნე-სიცრუის" წიგნიდამ ძნელის სიტყვების განმარტებით (ავტორი). - თბილისი, გრ. ჩარკვიანის სტ., 1886. - V,42გვ.
• ქართული ქრესტომატია უმცროს კლასებისათვის (ავტორი). - ტფილისი, ა.ა. ადამეცკის სტ., 1885. - [310]გვ.