ირაკლი მეგრელაძე

დაბადების ადგილი: ქ. თბილისი.

დაამთავრა თბილისის სახელმწიფო  სამედიცინო ინსტიტუტის სამკურნალო ფაკულტეტი 1962 წელს.

1962–1963წწ. - ბორჯომი, ექიმი-ორდინატორი; 1963–1966წწ. - თბილისის ნევროლოგიის სამეცნიერო-კვლევითი ინსტიტუტის ასპირანტი; 1967–1977წწ. - ექიმთა დახელოვნების თბილისის სახელმწიფო ინსტიტუტის კარდიოლოგიის კათედრის ასისტენტი; 1977–1991წწ. - ამავე კათედრის დოცენტი; 1991–1992წწ. - საქართველოს ჯანმრთელობის დაცვის მინისტრის მოადგილე, მინისტრი; 1993 წლიდან ექიმთა დიპლომის შემდგომი განათლების თბილისის სახელმწიფო აკადემიის თერაპია -კარდიოლოგიის კათედრის პროფესორი. გამოქვეყნებული აქვს 105 სამეცნიერო ნაშრომი, 2 მონოგრაფია და 1 პრაქტიკული რეკომენდაცია; არის 15 საკანდიდატო და სადოქტორო დისერტაციის ხელმძღვანელი; კვლევის თემა: გულ-სისხლძარღვთა სისტემის დაავადებათა დიაგნოსტიკა და მკურნალობა. საერთაშორისო კლინიკური კვლევების მთავარი მკვლევარი; თბილისის სახელმწიფო სამედიცინო უნივერსიტეტის ემერიტუს-პროფესორი; კარდიოლოგიის რეზიდენტურის პროგრამის დირექტორი. მიღებული აქვს სახელმწიფო ჯილდოები. ექიმი თერაპევტ-კარდიოლოგი, მედიცინის მეცნიერებათა დოქტორი (2005), პროფესორი.

საკანდიდატი დისერტაციის თემა - "თალამუსის არასპეციფიკური ბირთვების როლი მცირე ეპილეფსიისათვის დამახასიათებელი ეეგ ცვლილებების ფორმირებაში"; სადოქტორო დისერტაციის თემა - "პლაფერონ ლბ-ს ეფექტურობის კლინიკურ-ექსპერიმენტული კვლევა გულის იშემიური და არაიშემიური დაავადებების დროს", დაიცვა 2005 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.196; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.351; ამტელ ჰოსპიტალი: amtelhospital.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.324; საქართველო: ენციკლოპედია: ტ.5. -თბ.,2023. -გვ.650

• ევროპის კარდიოლოგთა ასოციაცია, წევრი
• საერთაშორისო აკადემიური ასოციაცია, წევრი (1998-)
• საქართველოს კარდიოლოგთა ასოციაცია, წევრი

• 1998 - ღირსების ორდენი
  მოსახლეობის ჯანმრთელობის დაცვაში შეტანილი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისა და ნაყოფიერი მოღვაწეობისათვის
• 1980 - საქართველოს სახელმწიფო პრემია

• საგულე გლიკოზიდების ადგილი და მნიშვნელობა გულის ქრონიკული უკმარისობის მკურნალობაში : მეთოდ. რეკომენდაცია (თანაავტორი). - თბილისი, საერთაშ. სამართლისა და მართვის ქართულ-ბრიტანული უნ-ტის გამ-ბა , 2011. - 128გვ.. - ISBN: 9789941034190