ნატალია ავალიანი

დაბადების ადგილი: ქ. მოსკოვი.

დაამთავრა პ. ჩაიკოვსკის სახელობის მოსკოვის სახელმწიფო კონსერვატორია 1945 წელს.

მოსკოვის კონსერვატორიის დამთვრებისთანავე ჩამოვიდა თბილისში; ეწეოდა საკონცერტო და პედაგოგიურ მოღვაწეობას; 1952–1987წწ. იყო ვ. სარაჯიშვილის სახელობის თბილისის სახელმწიფო კონსერვატორიის არფის კლასის ხელმძღვანელი, საქართველოს არფის საშემსრულებლო სკოლის აქტიური მოღვაწე, პედაგოგიური ტრადიციების დამამკვიდრებელი; 1954–1956წწ. საქართველოს რადიო–კომიტეტის სიმფონიური ორკესტრის მუსიკოსი; 1956–1987წწ. საქართველოს სიმფონიური ორკესტრის სოლისტი; აღზარდა არფისტთა თაობები; საქართველოში პირველმა ჩამოაყალიბა არფისტთა კვარტეტი, რომელშიც თავადაც უკრავდა; ეროვნული მუსიკის რეპერტუარის გასაფართოვებლად არფისათვის გადაამუშავა და რედაქტირება გაუწია ნაწარმოებებს, რომლებიც დამკვიდრდნენ არფის რეპერტუარში; მისი თაოსნობით შექმნილი და მისდამი მიძღვნილი ნაწარმოებები შესულია საქრთველოს რადიოს "ოქროს ფონდში"; მისი მოწაფეები იყვნენ: ნ. ჩიგოგიძე, ზ. ფურცხვანიძე(საკავშირო კონკურსების დიპლომანტები), ლ. ფანცულაია, ლ. გოზალიშვილი. 

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 12

• 1965 - საქართველოს დამსახურებული არტისტი