დავით აკოფაშვილი

დაბადების ადგილი: ქ. ქუთაისი.

დაამთავრა ქუთაისის გიმნაზია.

1903 წლიდან ეუფლებოდა ვოკალურ ხელოვნებას (ლირიკული ბარიტონი), ჯერ პეტერბურგში პროფესორ ფერნი–ჯირალდონისთან (ე. ჯირალდონის დედა), ხოლო 1905 წლიდან სწავლა გააგრძელა მილანში პედაგოგ კაზინისთან; 1908 წლიდან კონცერტებს მართავდა ევროპის, რუსეთისა და საქართველოს ქალაქებში; გამოდიოდა მიშელ დარიალთან, ვიოლონჩელისტ ილ. აბაშიძესთან ერთად; მონაწილეობდა თბილისის საოპერო სტუდიის პირველ დადგმაში დ. არაყიშვილის "თქმულება შოთა რუსთაველზე" (1919).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 19; ქართველ მოღვაწეთა ლექსიკონი:1801-1952: ტ.I .-თბ.,2018.-გვ.97

• წმინდა ანას ორდენი
  ოსმალეთის საზღვარზე ომში მონაწილეობისათვის