ვახტანგ მეუნარგია

დაბადების ადგილი: ქ. ზუგდიდი.

დაამთავრა თბილისის სახელმწიფო სამედიცინო ინსტიტუტის სან. ჰიგიენური ფაკულტეტი 1959 წელს.

1959–1962წწ. იყო თბილისის სახელმწიფო სამედიცინო ინსტიტუტის მიკრობიოლოგიის კათედრის ასპირანტი; 1962–1971წწ. თბილისის ონკოლოგიის სამეცნიერო–კვლევითი ინსტიტუტის ვირუსოლოგიის ლაბორატორიის უმცროსი მეცნიერ–თანამშრომელი; 1965–1970წწ. სტაჟირებას გადიოდა მოსკოვის ონკოლოგიურ ცენტრში, 1971–1975წწ. იყო უფროსი მეცნიერ–თანამშრომელი, 1975 წლიდან აკად. გ. მუხაძის სახელობის ჰემატოლოგიისა და ტრანსფუზიოლოგიის  სამეცნიერო–კვლევითი ინსტიტუტის იმუნოჰემატოლოგიის ლაბორატორიის ხელმძღვანელი; 1990-1991წწ. საქართველოს პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა – თავისუფალი საქართველო", საარჩევნო ფორმა: პარტიული სიით,  საქართველოს ეროვნული ფრონტი - რადიკალური კავშირი. ავტორია 96 სამეცნიერო ნაშრომისა სიმსივნეების, ლეიკოზების, ლიმფოპროლიფერაციული დაავადებების იმუნოლოგიის საკითხებზე. გამოქვეყნებული აქვს მონოგრაფია: "იმუნოლოგიური ამოცნობის მოლეკულური და უჯრედული ასპექტები" (რუსულ ენაზე, "მეცნიერება", 1988). მისი ხელმძღვანელობით დაცულია 7 საკანდიდატო დისერტაცია. მიღებული აქვს საავტორო ჯილდოები (1987, 1988, 1991); ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). იმუნოჰემატოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "ლიმფოციტების, ვირუსების და სამიზნე უჯრედების ურთიერთმოქმედების ექსპერიმენტული შესწავლა", დაიცვა 1969 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.203;საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 255

• საქართველოს ეროვნული ფრონტი - რადიკალური კავშირი, წევრი
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)