გიორგი უთურგაული

დაბადების ადგილი: სოფელი ახიელი, ხევსურეთი.

დაამთავრა თბილისის სასულიერო სასწავლებელი 1867 წელს. იმავე წელს შევიდა სასულიერო სემინარიაში. 1871 წელს ერთ-ერთ მასწავლებელთან მწვავე კონფლიქტის გამო, გარიცხეს; 1871 წელს შევიდა თბილისის სამასწავლებლო სკოლაში; 1875 წელს წარჩინებით დაამთავრა სამასწავლებლო ინსტიტუტი.

1875 წელს მოზდოკის საქალაქო სასწავლებელში მასწავლებლად დაიწყო მუშაობა; ამავე დროს ეწეოდა აქტიურ საზოგადოებრივ და რევოლუციურ მუშაობას, ამის გამო იგი მოხსნეს თანამდებობიდან და 1878 წელს თბილისში დაბუნდა. აქტიურად თნამშრომლობდა ნიკო ნიკოლაძის "ობზორში" და გაზეთ "დროებაში". უმთავრესად აშუქებდა სწავლა-განათლების საკითხებს, ამავე დროს აგრძელებდა რევოლუციურ-ხალხოსნურ მუშაობას. 1881 წელს იგი დანიშნეს ნახიჭევანის სამოქალაქო სასწავლებლის მასწავლებლად; 1884 წელს გადავიდა ხონის საოსტატო სემინარიაში, სადაც ასწავლიდა ქართულ ენასა და ლიტერატურას, მაგრამ ჯანმრთელობის მდგომარეობის გამო 1897 წელს იძულებული იყო მასწავლებლობისათვის თავი დაენებებინა და საცხოვრებლად თელავში გადასულიყო.

წყარო: სახალხო განათლების ქართველი მოღვაწეები და სახალხო მასწავლებლები. კრ. 1/საქართველოს სსრ განათლების სამინისტროს სახალხო განათლების სახელმწიფო მუზეუმი, ვ. ქაჯაიას რედაქციით. -თბ., 1953. გვ.-347-350; განმანათლებლობა საქართველოში : იდეები და მოღვაწეები: nateba.webbreeze.net

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1879-)