გივი ანდრიაძე

დაბადების ადგილი: ქ. თბილისი.

დაამთავრა ზაქარია ფალიაშვილის სახელობის თბილისის ოპერისა და ბალეტის თეატრთან არსებული ქორეოგრაფიული სტუდია 1949 წელს.

1949 წლიდან იყო ზ. ფალიაშვილის სახელობის თბილისის ოპერისა და ბალეტის თეატრის სტაჟიორი, 1950 წლიდან საბალეტო დასის წევრი, ჯერ როგორც კორდებალეტის მოცეკვავე, 1952 წლიდან კი სოლისტი; 1975–1998წწ. იყო თბილისის ქორეოგრაფიული სასწავლებლის სამეჯლისო ცეკვების პედაგოგი; შესრულებული აქვს: სოლო(გრ. კილაძე "სინათლე"), ხალიფა(დ. თორაძე "გორდა"), სოლო(ს. ცინცაძე "დემონი"), როდრიგო(ა. მაჭავარიანი "ოტელო"), კომანდორი(კრეინი "ლაურენსია"), სოლო, მაზურკა, როტბარდი(პ. ჩაიკოვსკი "გედების ტბა"), გირეი(ასაფიევი "ბახჩისარაის შადრევანი"), გრაფის მეგობარი(ადანი "ჟიზელი"), აიბოლიტი(მოროზოვი "ექიმი აიბოლიტი"), ორეული, გამაში(მინკუსი "დონ კიხოტი"); გასტროლებით იმოგზაურა: ავსტრია(1958), უნგრეთი, საფრანგეთი(1966), პოლონეთი(1969), ფინეთი(1984), ესპანეთი, იტალია(1992), ჩინეთი(2001).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 29; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.104

• 2000 - ღირსების მედალი
• 1985 - საქართველოს დამსახურებული არტისტი