შოთა მშვენიერაძე

დაბადების ადგილი: ქ. ზესტაფონი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი 1950 წელს; თბილისის სახელმწიფო სამედიცინო ინსტიტუტის პედიატრიული ფაკულტეტი 1956 წელს.

სხვადასხვა წლებში მოღვაწეობდა თბილისის სახელმწიფო სამედიცინო ინსტიტუტში, როგორც კურორტოლოგია-ფიზიოთერაპიის კათედრაზე, ასევე პედიატრიული ფაკულტეტის პარტიული ბიუროს მდივნად; ჯანმრთელობის დაცვის სამინისტროს ჰიგიენის სამეცნიერო კვლევით ინსტიტუტში უფროს მეცნიერ-თანამშრომლად; საქართველოს რესპუბლიკური გაერთიანება "სანავიოს", საერთაშორისო ორგანიზაცია "ცოდნის" და სამკურნალო კურორტების კონსულტანტად; იყო სამედიცინო აკადემიის პრორექტორი; 1994 წლიდან საერთაშორისო სამეცნიერო რეფერირებადი ჟურნალ "მკურნალი"-ს მთავარი რედაქტორი. ავტორია 35 სამეცნიერო ნაშრომის, გამოქვეყნებული აქვს მონოგრაფიები - ("სიტყვის ძალა", "სურამი", "მკურნალობა თბილისის ბალნეოლოგიურ კურორტზე" და სხვა).

შოთა მშვენიერაძე 1960-იანი წლებიდან აწარმოებდა რეგისტრირებულ კერძო სამედიცინო პრაქტიკას. მას დიდი ღვაწლი მიუძღვის საქართველოს კურორტების განვითარებაში. ექიმი თერაპევტი, მედიცინის მეცნიერებათა დოქტორი.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.210

• პროფილაქტიკური მედიცინის განვითარების საქველმოქმედო ასოციაცია, საპატიო პრეზიდენტი (1997-)
• საერთაშორისო ასოციაცია "ინტერმედი"-ს პროფესორთა საბჭო, წევრი

• მკურნალობა თბილისის ბალნეოლოგიურ კურორტზე (ავტორი). - თბილისი, საბჭ. საქართველო, 1963. - 37გვ.
• სურამი : კურორტი (ავტორი). - თბილისი, საბჭ. საქართველო, 1958. - 36გვ.