სამსონ ფრუიძე

დაბადების ადგილი: სოფელი ალპანა, ლეჩხუმი.

დაამთავრა ქუთაისის სამოქალაქო სასწავლებელი 1889 წელს.

1891 წელს დაინიშნა ალპანის დაწყებითი სკოლის მასწავლებლად; სპეციალური პედაგოგიური ცენზის უქონლობის მოტივით მოუწია სკოლიდან წასვლა; 1894 წელს მუშაობა დაიწყო ალპანის გლეხთა სასამართლოს მდივნად; 1902 წელს მემამულეთა წინააღმდეგ გლეხების წაქეზებისათვის მოხსნეს სასამართლოს მდივნის პოსტიდან; 1904 წელს სოფელ ჭრებალოში ჩამოყალიბებული რევოლუციური ორგანიზაციის აქტიური წევრა გახდა; 1905 წლის იანვარში 700 შეიარაღებული გლეხი ფრუიძისა და სხვათა მეთაურობით ქუთისის არსენალის ასაღებად გაემართა, მაგრამ ცენტრიდან მიღებული მითითებით რაზმი უკან დაბრუნდა; 1905 წლის მარტში ლეჩხუმში შემოვიდა დამსჯელი რაზმი, რომელმაც გადაწვა ეჭვმიტანილთა სახლ-კარი. სამსონ ფრუიძე ციმბირში გადაასახლეს; 1909 წელს იგი საქართველოში დაბრუნდა და გააგრძელა რევოლუციური საქმიანობა; 1910 წელს მისი და სოფლის სხვა თავკაცების თოსნობით ალპანაში გაიხსნა საკრედიტო საზოგადოება, რომელშიც სამოცზე მეტი გლეხი გაერთიანდა, იგი ამ საზოგადოების ხაზინადარად აირჩიეს; 1914 წელს ალპანაში "ქართველთა შორის წერა-კითხვის გამავრცელებელმა საზოგადოებამ" დააარსა ბიბლიოთეკა, იგი ამ ბიბლიოთეკის გამგედ დანიშნეს; 1924 წელს იგი მასწავლებლობას დაუბრუნდა და დაინიშნა სოფელ ზოგიშის დაწყებითი სკოლის გამგე-მასწავლებლად; 1927 წელს გადაიყვანეს სოფელ აჭარისხიდის ოთხწლიანი სკოლის გამგედ; 1932 წლიდან მუშაობდა ალპანის არასრულ საშუალო სკოლაში რუსული ენის მასწავლებლად.

წყარო: განმანათლებლობა საქართველოში - იდეები დამოღვაწეები: nateba.websail.net