ლალი ნადაშვილი

დაბადების ადგილი: ქ. გურჯაანი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1974 წელს.

1975–1981წწ. იყო №3 დერმატო–ვენდისპანსერის ექიმი, დერმატო–ვენეროლოგი; №7 მოზრდილთა პოლიკლინიკის ექიმი–თერაპევტი; 1982–1983წწ. თბილისის სახელმწიფო სამედიცინო ინსტიტუტის ნორმალური ანატომიის კათედრის უფროსი ლაბორანტი, 1983–1992წწ. და 1992 წლიდან ამავე კათედრის უფროსი მასწავლებელი. ავტორია 23 სამეცნიერო ნაშრომისა, რომლების ეხება ანთროპომეტრიას, ფსიქომეტრიას, კორელაციებს. ხელმძღვანელობდა  სტუდენტთა სამეცნიერო მუშაობას. ექიმი–ანატომი, მედიცინის მეცნიერებათა დოქტორი.

საკანდიდატო დისერტაციის თემა - "ქ. თბილისის ქალიშვილთა და ჭაბუკთა ფიზიკური განვითარების მაჩვენებლები და ორგანიზმის ზრდის დეფინიტური ვადები აქსელერაციის ფენომენის გათვალისწინებით", დაიცვა 1990 წელს.

სადოქტორო დისერტაციის თემა - "ანთროპომეტრიული და ფსიქოდინამიკური მაჩვენებლების ურთიერთკავშირების განსაზღვრა სხვადასხვა კონსტიტუციურ ტიპებში(ქართველებში)', დაიცვა 1992 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.216

• ანატომთა, ჰისტოლოგთა და ემბრიოლოგთა საზოგადოება , ხაზინადარი