მეგი ნიკოლაიშვილი

დაბადების ადგილი: ქ. მცხეთა.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1975 წელს.

1975-1977წწ. კლინიკური ორდინატურა გაიარა თბილისის სახელმწიფო სამედიცინო ინსტიტუტის სამკურნალო ფიზკულტურისა და საექიმო კონტროლის კათედრაზე; 1977-1979წწ. იყო კარდიოლოგიის ინსტიტუტის ჰიპერტონიის და რეაბილიტაციის განყოფილების უფროსი ლაბორანტი; 1979 წელს რეაბილიტაციის განყოფილების უმცროსი მეცნიერ-თანამშრომელი; 1990 წელს ხელმძღვანელობდა გულ-სისხლძარღვთა  დაავადების ფიზიკური და არატრადიციული მეთოდებით მკურნალობის ჯგუფს, 1996 წლიდან სამკურნალო ფიზკულტურის ექიმი-მეთოდისტი. ავტორია 29 სამეცნიერო ნაშრომისა მიოკარდიუმის ინფარქტით დაავადებულთა ფიზიკური რეაბილიტაციის შესახებ. სამეცნიერო-პრაქტიკულ ხელმძღვანელობას უწევს მეთოდისტებისა და მასაჟისტების მუშაობას. მკურნალი, მედიცინის მეცნიერებათა კანდიდატი. სამკურნალო ფიზკულტურის ექიმი.

საკანდიდატო დისერტაციის თემა - "სამკურნალო ფიზკულტურის სხვადასხვა ფორმებისა და მასთან შერწყმული ველოწვრთნის შედარებითი  შეფასება მიოკარდიუმის ინფარქტით დაავადებულთა რეაბილიტაციის სტაციონარულ ეტაპზე", დაიცვა 1989 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.223

• 1976 - თბილისის ფიზკულტურისა და სპორტის კომიტეტის ჯილდო