ეზეკია ხაზარაძე

დაბადების ადგილი: სოფელი მაღლაკი, წყალტუბოს რაიონი.

დაამთავრა თბილისის სახელმწიფო უნივერსიტეტის აგრონომიული ფაკულტეტის მებაღე-მევენახეობის დარგი 1930 წელს.

1930 წელს იყო კახეთის საცდელი სადგურის უმცროსი მეცნიერ თანამშრომელი; 1931 წელს ფიტოპათოლოგიის საცდელი სადგურის უმცროსი მეცნიერ თანამშრომელი; 1932-1945წწ.  მცენარეთა დაცვის სამეცნიერო-კვლევითი ინსტიტუტის უფროსი მეცნიერ თანამშრომელი; 1932 წელს სიცოცხლის ბოლომდე - საქართველოს სასოფლო-სამეურნეო ინსტიტუტის ფითოპათოლოგიის სადოცენტო კურსის ხელმძღვანელი; ამავე კურსს კითხულობდა სოხუმის სუბტროპიკულ ინსტიტუტში და ამიერკავკასიის უმაღლესს სასოფლო-სამეურნეო სკოლაში; 1945-1946წწ. მცენარეთა დაცვის სამეცნიერო-კვლევითი ინსტიტუტის მიკოლოგიური ლაბორატორიის გამგე; 1946 წელს სიცოცხლის ბოლომდე მცენარეთა დაცვის სამეცნიერო-კვლევითი ინსტიტუტის დირექტორის მოადგილე სამეცნიერო ნაწილში. ავტორია 31 სამეცნიერო ნაშრომისა. საბჭოთა კავშირში პირველად აღწერა და შეისწავლა მშრალი სუბტროპიკულ კულტურათა ავადმყოფობანი და მათ შორის ბროწეულის კიბოს და ნაყოფების ლპობის გამომწვევი ავადმყოფობა ზითიოზი; პირველმა გამოავლინა ფომოპსისის წარმომადგენლების გვარი და დაადგინა მათ შორის კავშირი. შეისწავლა ხურმის ავადმყოფობების ფომოპსისის და ბოტრიტისის ეტიოლოგია და ბიოლოგიური თავისებურებები და თეორიულად დაასაბუთა ავადმყოფობებისადმი გამძლეობა, დაადგინა მათთან ბრძოლის ღონისძიება(განსაკუთრებით მშრალი სუბტროპიკული კულტურების და ხეხილის ავადმყოფობათა მიმართ). მის მიერ შემუშავებულ იქნა ავადმყოფობების წინააღმდეგ ბრძოლის ღონისძიებები. დოცენტი(1945).

საკანდიდატო დისერტაციის თემა - ბადრიჯნის ფომოპსისის /Phomopsis vexans Hart./ ბიოეკოლოგია და მასთან ბრძოლა საქართველოში", დაიცვა 1941 წელს.

• 1954 - შრომის წითელი დროშის ორდენი , ხანგრძლივი ნაყოფიერი სამეცნიერო-პრაქტიკული მოღვაწეობისთვის

• Болезни культур сухих субтропиков в Грузинской ССР (ავტორი). - მოსკოვი, 1956
• სუბტროპიკული (აღმოსავლური) ხურმის ავადმყოფობანი და მათ წინააღმდეგ ბრძოლა (ავტორი). - თბილისი, საქ. სსრ მეცნ. აკად. გამ-ბა და სტ., 1954. - 52გვ.
• ვაშლისა და მსხლის ღერო-ტოტების დაავადებანი და მათ წინააღმდეგ ბრძოლა (თანაავტორი). - თბილისი, საქ. სსრ მეცნ. აკად. გამ-ბა და სტ., 1954. - 31გვ.
• ბადრიჯნის ნაყოფის სიდამპლე (ფომოპსისი) და მასთან ბრძოლის ღონისძიებანი (ავტორი). - თბილისი, საქ. სსრ მეცნ. აკად. გამ-ბა და სტ., 1953. - 31გვ.
• უმდაბლეს მცენარეთა კურსი (მთარგმნელი). - თბილისი, სტალინის სახ. თბილისის სახელმწ. უნ-ტის გამ-ბა და სტ., 1949. - 515გვ.
• კარტოფილის ავადმყოფობანი და მასთან ბრძოლა (ავტორი). - თბილისი, სახელგამი, 1948. - 44გვ.