თათული დოლიძე

დაბადების ადგილი: ქ. თბილისი.

დაამთავრა შოთა რუსთაველის სახელობის საქართველოს თეატრალური ინსტიტუტი სამსახიობო ფაკულტეტი 1972 წელს.

1973 წლიდან შოთა რუსთაველის სახელობის თეატრის მსახიობია; შესრულებული როლებიდან განსაკუთრებით აღსანიშნავია: ქეთევან ახატნელი (მ. ჯავახიშვილის "ქალის ტვირთი"), მერი (ნ. დუმბაძის "მე, ბებია, ილიკო და ილარიონი"), დარეჯანი (ი. ჭავჭავაძის "კაცია – ადამიანი?!"), გრუშე ვაჩნაძე (ბ. ბრეხტის "კავკასიური ცარცის წრე"), ადელა (გ. ლორკას "ბერნარდა ალბას სახლი"); გადაღებულია არაერთ მხატვრულ თუ სატელევიზიო ფილმში.

წყარო: საქართველო: ენციკლოპედია: ტ.2. – თბ., 2012. – გვ.475

• 1999 - საქართველოს სახელმწიფო პრემია
• 1981 - საქართველოს დამსახურებული არტისტი