გივი ორჯონიკიძე

დაბადების ადგილი: ქ. ხარაგაული.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1942 წელს.

1942-1945წწ. იყო 5245-ე საველე ქირურგიული ჰოსპიტლის ქირურგი; 1946-1961წწ. ლენინგრადის სამხედრო-სამედიცინო აკადემიის ჰოსპიტალური ქირურგიის კათედრის გამგის მოადგილე; 1961-1963წწ. თბილისის ქირურგიის ინსტიტუტის თორაკალური განყოფილების ხელმძღვანელი; 1963-1972წწ. კალინინის სამედიცინო ინსტიტუტის პრორექტორი; 1972 წლიდან მუშაობს ონკოლოგიის სამეცნიერო ცენტრის ქირურგიულ განყოფილებაში. ავტორია 147 სამეცნიერო ნაშრომის. გამოქვეყნებული აქვს მონოგრაფიები. ონკოლოგ-ქირურგი, მედიცინის მეცნიერებათა დოქტორი, პროფესორი. მიღებული აქვს სახელმწიფო ჯილდოები.

საკანდიდატო დისერტაციის თემა - "ენდოსკოპიის მნიშვნელობა ფილტვის კიბოს დიაგნოსტიკაში", დაიცვა 1962 წელს.

სადოქტორო დისერტაციის თემა - "ენდოსკოპიის მნიშვნელობა ფილტვის ქირურგიაში", დაიცვა 1965 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.130

• მედიკო–ბიოლოგიური აკადემია, აკადემიკოსი