ზურაბ ორჯონიკიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სტომატოლოგიური ფაკულტეტი 1981 წელს.

1981-1983წწ. - თბილისის სახელმწიფო სამედიცინო უნივერსიტეტის ქირურგიული სტომატოლოგიის კათედრის კლინიკური ორდინატორი; 1983-1987წწ. - ამავე უნივერსიტეტის ქირურგიული სტომატოლოგიური კათედრის ასპირანტი; 1987-1994წწ. - ქირურგიული სტომატოლოგიური კათედრის ასისტენტი; 1994-2004წწ. - ქირურგიული სტომატოლოგიური კათედრის დოცენტი; 2004-2006წწ. - ქირურგიული სტომატოლოგიური კათედრის პროფესორი; 1993-2005წწ. - თბილისის სახელმწიფო სამედიცინო უნივერსიტეტის პროფ. ალ. ურუშაძის სახელობის სტომატოლოგიის კლინიკის დირექტორი; 2005 წლიდან - სტომატოლოგიის კლინიკის და სასწავლო-კვლევითი ცენტრის შპს "უნიდენტი“-ს დირექტორი. საქართველოს და საზღვარგარეთის ქვეყნების სამედიცინო ჟურნალებში გამოქვეყნებული 31 სამეცნიერო სტატიის, შრომის ავტორი; 30-ზე მეტი სამეცნიერო და სასწავლო ფორუმის მონაწილე. ექიმი-სტომატოლოგი, მედიცინის მეცნიერებათა დოქტორი (2003), პროფესორი.

საკანდიდატო დისერტაციის თემა - "ქირურგიული საკერავი ძაფის "ფიბროსიმის" გამოყენება ყბა–სახის ქირურგიაში", დაიცვა 1989 წელს; სადოქტორო დისერტაციის თემა - "პაროდონტის ანთებით-დესტრუქციულ დაავადებათა მკურნალობის ძირითადი ასპექტები (კლინიკურ-ექსპერიმენტული კვლევა)", დაიცვა 2003 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.231; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.358; თბილისის სახელმწიფო სამედიცინო უნივერსიტეტი: tsmu.edu

• თბილისის სახელმწიფო სამედიცინო უნივერსიტეტის დიდი სამეცნიერო საბჭო, წევრი
• საქართველოს სტომატოლოგთა ასოციაცის, წევრი (1998-)

• 1987 - სსრკ სახალხო მეურნეობის მიღწევათა გამოფენა (ВДНХ) (ვერცხლის მედალი)