ლევან დოლიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1968 წელს.

საქართველოს დამოუკიდებლობის წლებში მუშაობდა თავდაცვის სამინისტროს პრესსამსახურიოს უფროსად; საქართველოს სახელმწიფო საბჭოს თავმჯდომარის მრჩევლად; 1993 წლიდან არის ქართული ენციკლოპედიის ი. აბაშიძის სახელობის მთავარი მეცნიერული რედაქციის სამხედრო სექციის თავმჯდომარე; აფხაზეთში კომფლიკტის დაწყებისთანავე დაინიშნა სახელმწიფო საბჭოს თავმჯდომარის პირად წარმომადგენლად ინფორმაციის დარგში; 1959 წლიდან მისი მასალები იბეჭდებოდა სსრკ ცენტრალურ, რესპუბლიკურ და უცხოეთის ქვეყნების ჟურნალ-გაზეთებში; რეპორტაჟები გადაიცემოდა ტელევიზიითა და რადიოთი; ერთ-ერთმა პირველმა გააშუქა მოვლენები აფხაზეთის ცხელი წერტილებიდან; ავტორია 5000-მეტი სტატიის, ბუკლეტების, წიგნების - "მხედართუფროსები საქართველოდან" (1986), "70 წელი სცენაზე" (1999), "გენერალისიმუსი, მარშლები, გენერლები, ადმირალები - ჩვენი თანამემამულენი" (2000); 2003 წელს გამოსცა ფუნდამენტური ნაშრომი - "გენერლები საქართველოდან", რომელიც მოიცავს საქართველოს გენერალიტეტის 300 წლოვან პერიოდს და ასახავს 1000-ზე მეტ გენერლის ბიოგრაფიას; სამხედრო ჟურნალისტი და მკვლევარი.

წყარო: საქართველო: ენციკლოპედია: ტ.2. - თბ., 2012. - გვ.475; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.238

• 2000 - ღირსების ორდენი
• 1989 - საქართველოს დამსახურებული ჟურნალისტი
• 1975 - საქართველოს ჟურნალისტთა კავშირის პრემია

• გენერლები საქართველოდან : საქართველოს გენერალიტეტის სამსაუკუნოვანი მატიანე (ავტორი). - თბილისი, (ს/ს "ბ.ს. კომბ-ტი", 2003. - 752გვ.. - ISBN: 99928-0-545-5
• გენერალისიმუსი, მარშლები, გენერლები, ადმირალები - ჩვენი თანამემამულენი (1700-2000) (ავტორი). - თბილისი, შპს "სეზანი", 2000. - 208გვ.