ამბროსი პერტია

დაბადების ადგილი: ქ. ბათუმი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1992 წელს.

1992-1993წწ. იყო უროლოგიის სამეცნიერო-კვლევითი ინსტიტუტის ინტერნი; 1993 წელს - ბათუმის ცენტრალური საავადმყოფოს ექიმი-უროლოგი; 1993-1995წწ. - უროლოგიის სამეცნიერო-კვლევითი ინსტიტუტის კლინიკური ორდინატორი, 1995 წლიდან - ამავე ინსტიტუტის მეცნიერ-თანამშრომელი. ავტორია სამეცნიერო ნაშრომებისა, რომლებიც ეხება შარდის ბუშტის ინვაზიური კიბოს მკურნალობის საკითხებს. უროლოგიის ეროვნული ცენტრის კლინიკური დირექტორი, ლაპარასკოპიული სამსახურის ხელმძღვანელი, ასოცირებული პროფესორი. ექიმი-ონკო-უროლოგი, მედიცინის მეცნიერებათა დოქტორი (2006), პროფესორი.

საკანდიდატო დისერტაციის თემა - "მამაკაცებში შარდის ბუშტის კიბოს შარდსადენ მილში გავრცობისა და ურეთრექტომიის საკითხისათვის", დაიცვა 1997 წელს; სადოქტორო დისერტაციის თემა: "თირკმელუჯრედოვანი კიბოს მკურნალობა და პროგნოზირების აქტუალური საკითხები", დაიცვა 2006 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.233; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.360; we4hospitals.com

• ევროპის უროლოგთა ასოციაცია, წევრი (1996-)