გალინა ბანდურა

დაბადების ადგილი: ქ. თბილისი.

დაამთავრა თბილისის II სამუსიკო სასწავლებელი 1975 წელს (სავიოლინო კლასი), ვანო სარაჯიშვილის სახელობის თბილისის სახელმწიფო კონსერვატორია 1980 წელს.

1978-1991წწ. იყო თბილისის კამერული ორკესტრის (კამერატის) კონცერტმეისტერი და ამავე ორკესტრის ცნობილი დირიჟორის, კომპოზიტორისა და პედაგოგის შავლეგ შილაკაძის მოადგილე; 1994-1997წწ. იყო საქართველოს სიმფონიური ორკესტრის კონცერტმაისტერი; 1994–1998წწ.  საქართველოს სახელმწიფო ფილარმონიის "თბილისის კამერული ორკესტრის" სოლისტი და სამხატვრო ხელმძღვანელი; 1997–2000წწ. თბილისის სიმფონიური ორკესტრის კონცერტმაისტერი; 2000–2005წწ. საქართველოს სახელმწიფო ტრიოს წევრი და ხელმძღვანელი; 2000 წელს დაარსდა ტრიო "ბრავო": გ. ბანდურა (ვიოლინო), ა. დანელიანი (ალტი), ა. ოგანოვი (ფორტეპიანო), ტრიოს რეპერტუარში შესულია მსოფლიოს მრავალი ქვეყნის მუსიკა და მოიცავს შედევრებს ადრეული რენესანსის ეპოქიდან თანამედროვე კლასიკური მუსიკის ჩათვლით; 2005 წლიდან იყო "კავკასიის კამერული ორკესტრის" სოლისტი, კონცერტმაისტერი, დირიჟორი, ასისტენტი; ის არის მრავალი ქართველი კომპოზიტორის ნაწარმოების პირველი შემსრულებელი, მათ შორის: ბ. ტუღუში სავიოლინო სონატა (2002, პირველი შესრულება), რ. ქარუხნიშვილი "მუსიკა" გოგონათა გუნდისა და სოლო ვიოლინოსათვის (2003, პირველი შესრულება), ფ. ღლონტი სიმფონია-კონცერტანტე ვიოლინოსა და დიდი სიმფონიური ორკესტრისათვის (2008, პირველი შესრულება); გასტროლებით იმოგზაურა: სომხეთი, ესპანეთი, ბელგია, შვეიცარია, იტალია, ჰოლანდია, საფრანგეთი, გერმანია; საქართველოში მოღვაწე უკრაინელი მევიოლინე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 63

• 2008 - ღირსების ორდენი