დომენტი III (აღმოსავლეთ საქართველოს კათოლიკოს-პატრიაქი)

აღმოსავლეთ საქართველოს კათოლიკოს-პატრიაქი 1660-1676წწ., ქაიხოსრო მუხრანბატონის ძე; იყო ქართლის მეფის ვახტანგ V-ის ცენტრალისტური პოლიტიკის მიმდევარი; ენერგიულად იბრძოდა ტყვეებით მოვაჭრე თავადთა წინააღმდეგ; მაჰმადიანურ წეს-ჩვეულებათა საპირისპიროდ, ცდილობდა ქართული ქრისტიანული ჩვეულებების აღდგენას; 1664 წელს თბილისელი ვაჭრისაგან შეიძინა სამცხიდან ჩამოტანილი ანჩის კარედი ხატი და თბილისის საპატრიარქო ეკლესიაში ანჩისხატში დაასვენა, რომელიც შემდგომ შეაკეათა და განაახლა; 1675 წელს ააგო ახალი სამრეკლოც; მის სახელს უკავშირდება მჭადიჯვრის ცენტრალურ-გუმბათოვანი ეკლესიის აგება; სვეტიცხოვლისათვის შეიძინა ყმა-მამული და შესწირა მას.

წყარო: საქართველო: ენციკლოპედია: ტ.2. - თბ., 2012. - გვ.478