დომენიკე მუღაშაშვილი (პატრი)

დომინიკემ პირველდაწყებითი განათლება ცნობილ საზოგადო მოღვაწესთან, ი. გვარამაძესთან მიიღო; დაამთავრა კონსტანტინოპოლის ქართველ კათოლიკეთა მონასტერთან პ. ხარისჭარაშვილის მიერ დაარსებული სასულიერო სემინარია 1890 წელს.

ეწეოდა სასულიერო მოღვაწეობას თბილისში, გორში; იბრძოდა მესხეთის ქართველ კათოლიკეთა ეროვნულობის შესანარჩუნებლად; 1906 წელს თბილისში მისი რედაქტორობით გამოდიოდა ქართველ კათოლიკეთა ჟურნალი "ჯვარი ვაზისა"; არის ავტორი ნაშრომისა "შემოკლებული საღმთო ისტორია კათოლიკეთათვის დომინიკე მუღაშაშვილის მიერ"(ტფ., 1904); მან საკუთარი სახსრებით 25 ოჯახი მესხეთიდან გორის მაზრის სოფელ სკრასთან დაასახლა; ახალშენს უწოდეს ბეთლემი (ახლანდელი სოფელი ახალხიზა); 1911 წელს იგი მოკლეს; მისი წინაპრები მართმადიდებლები იყვნენ, ატარებდნენ პაწაძეების გვარს და ცხოვრობდნენ ახალციხეში, რაბათის მიდამოებში; XVII საუკუნეში თურქეთის მხრიდან დევნის გამო ისინი სოფელ ხიზაბავრაში დამკვიდრდნენ; იძულებით (გადარჩენის მიზნით) გვართან ერთად სარწმუნოებაც გამოიცვალეს და კათოლიკობა მიიღეს. დომინიკე ყაჩაღებმა მოკლეს სოფელ სკრაში (გორის რაიონი, ქართლი)

წყარო: საქართველო: ენციკლოპედია: ტ.2. - თბ., 2012. - გვ.479

• შემოკლებული საღმრთო ისტორია კათოლიკეთათვის (ავტორი). - თბილისი, თ. გრ.ნ. დიასამიძის სტ., 1904. - 39გვ.