დავით ჩუბინაშვილი

დაბადების ადგილი: ქ. თბილისი.

დაამთავრა პეტერბურგის უნივერსიტეტი 1839 წელს.

ერთი პერიოდი მსახურობდა რუსეთის საგარეო საქმეთა სამინისტროს სააზიო დეპარტამენტში, სადაც იგი მრავალ საარქივო მასალას გაეცნო; 1844 წელს იგი მიიწვიეს უნივერსიტეტში ქართული ენისა და ლიტერატურის დოცენტად; 1848 წელს გახდა ადიუნქტი; 1856 წლიდან ექსტრა-ორდინატორი პროფეროსი; 1859 წელს ორდინატორი პროფესორი; 1870 წლიდან დამსახურებული პროფესორი; ამ დროისათვის იგი მრავალი საყურადღებო შრომის ავტორი იყო; შექმნა მნიშვნელოვანი შრომები: ქართულ-რუსულ-ფრანგული ლექსიკონი, რუსულ-ქართული ლექსიკონი, ქართულ-რუსული ლექსიკონი;  გამოაქვეყნა "მოკლე ქართული გრამატიკა", რომელშიც ძირითადად მოცემულია ახალი ქართული ენის ანალიზი; დიდი შრომა გასწია ძველი ქართული მწერლობის ძეგლთა შესწავლა-გამოცემაში; მონაწილეობდა ვეფხისტყაოსნის 1841 წლის გამოცემაში, დაურთო ლექსიკონი; 1842 წელს გამოაქვეყნა მნიშვნელოვანი რუსთველოლოგიური კვლევა – "ქართული პოემის ვეფხისტყაოსნის შესახებ"; როგორც ლიტერატურათმცოდნე და ისტორიკოს-არქეოლოგი ხშირად რედაქტორობდა რიგ მნიშვნელოვან გამოცემებს; დიდი ღვაწლი მიუძღვის "ქართლის ცხოვრების" სრულად აღდგენასა და აკადემიურ გამოცემაში; 1859 წელს მისი რედაქციით გამოიცა სულხან-საბა ორბელიანის იგავ-არაკების კრებული "წიგნი სიბრძნე-სიცრუისა" და სხვ. კაპიტალური შრომების პარალელურად იგი წერდა მრავალ გამოკვლევას, საჟურნალო და საგაზეთო სტატიებს, იყო მუდმივი თანამშროელი რუსული და ქართული პერიოდული პრესისა; დიდი შრომა აქვს გაღებული ქართული ხელნაწერების შეგროვების სფეროში; თავისი წიგნთსაცავი "ქართველთ შორის წერა-კითხვის გამავრცელებელ საზოგადოებას" უანდერძა. ენათმეცნიერი, ლექსიკოგრაფი, ლიტერატურათმცოდნე, პეტერბურგის უნივერსიტეტის პირველი ქართველი პროფესორი.

წყარო: ქართული ენა: ენციკლოპედია. - თბ. 2008. - გვ.555-556

• რუსეთის გეოგრაფიული საზოგადოება, წევრი (1860-)
• საიმპერატორო არქეოლოგიური საზოგადოება, წევრი (1869-)
• ქართველთა შორის წერა-კითხვის გამავრცელებელი საზოგადოება, საპატიო წევრი

• ქართულ-რუსული ლექსიკონი (ავტორი). - С.Петербургъ, тип. Академiи Наукъ, 1887. - XXXIX, [1], [2], 1780 სვეტი
• ქართული ღრამმატიკა (შემდგენელი). - С.Петербургъ, 1887. - 1779გვ.
• ეტნოგრაფიული განხილვა ძველთა და ახალთა კაბადოკიის ან ჭანეთის მკვიდრთა მოსახლეთა (ავტორი). - თბილისი, 1877. - 48გვ.
• ქართული ქრესტომატია ანუ გამოკრებილნი ადგილები ქართულთა წერილთაგან დავით ჩუბინოვის მიერ (ავტორი) // Ч. 2: Стихотворенiя. - სანკტპეტერბურღი, тип. имп. Академiи Наукъ, 1846. - XXVIII, 242გვ.
• Русско-грузинскiй словарь (ავტორი) // Часть первая и [вторая].. - Санктпетербургъ, тип. имп. Академiи Наукъ, 1846. - II, XXIV 1187[1]გვ.
• ქართული ქრესტომატია ანუ გამოკრებილნი ადგილები ქართულთა წერილთაგან დავით ჩუბინოვის მიერ (ავტორი) // Часть I: Проза. - სანკტპეტერბურღი, тип. имп. Академiи Наукъ, 1846. - XVII, 458, 240გვ.
• ქართულ-რუსულ-ფრანციცული ლექსიკონი (ავტორი). - Санктпетерьургъ, тип. имп. Академiи Наукъ, 1840. - [764]გვ.