რამაზ რუხაძე

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1974 წელს.

1974–1975წწ. იყო თბილისის ბავშვთა N2 საავადმყოფოს ექიმი–ინტერნი; 1975–1978წწ. ქუთაისის ბავშვთა საავადმყოფოს ქირურგი; 1978–1980წწ. თბილისის სახელმწიფო სამედიცინო ინსტიტუტის ბავშვთა ქირურგიის კათედრის კლინიკური ორდინატორი; 1980-1992წწ. თბილისის ბავშვთა 1 საავადმყოფოს კლინიკის ქირურგი, სამედიცინო აკადემიის ბავშვთა ქირურგიის კურსის უფროსი ლაბორანტი; 1992–1997წწ. სამედიცინო აკადემიის ბავშვთა ქირურგიის კათედრის ასისტენტი; 1997 წლიდან ამავე კათედრის დოცენტი. ავტორია 29 სამეცნიერო ნაშრომის, რომლებიც გამოქვეყნებულია როგორც საქართველოში, ასევე მის ფარგლებს გარეთ გამოცემულ სამედიცინო ლიტერატურაში. ბავშვთა ქირურგი, მედიცინის მეცნიერებათა კანდიდატი.

საკანდიდატო დისერტაციის თემა - "ღვიძლგარეთა სანაღვლე გზების ატრეზიის ადრეული დიაგნოსტიკა და ქირურგიული მკურნალობა ბავშვთა ასაკში", დაიცვა 1992 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.143

• მშობელთა მზრუნველობას მოკლებულ ბავშვთა სამედიცინო დახმარების სახელმწიფო პროგრამა, კოორდინატორი
• საქართველოს ბავშვთა ქირურგების ასოციაციის გამგეობა, მდივანი