ნათელა რუხაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1947 წელს.

1948-1951წწ. მუშაობდა ა. გოცირიძის სახელობის ფსიქონევროლოგიურ დისპანსერში ექიმ-ფსიქიატრად; 1951-1971წწ. რესპუბლიკის ფსიქიატრიულ კლინიკურ საავადმყოფოში. იყო მ. ასათიანის სახელობის ფსიქიატრიის სამეცნიერო-კვლევითი ინსტიტუტის უფროსი მეცნიერ-თანამშრომელი, 1981 წლიდან თბილისის სახელმწიფო სამედიცინო უნივერსიტეტის ფსიქიატრიის კათედრის ასისტენტი. ავტორია 84 სამეცნიერო ნაშრომისა, მათგან 34 გამოქვეყნებულია სხვადასხვა ჟურნალებში, სამეცნიერო ნაშრომების უმრავლესობა ეხება ბავშვთა და მოზარდთა ფსიქონევროლოგიის აქტუალურ საკითხებს: ეპილეფსიას, ოლიგოფრენიას, ბავშვთა და მოზარდთა ქცევის პათოლოგიას, ნევროზებს, შიზოფრენიას. შესრულებული ნამუშევრები დაკავშირებულია პიროვნების კვლევის საკითხებთან და კლინიკურ-ექსპერიმენტული ხასიათისაა. იყო რესპუბლიკის სხვადასხვა სამკურნალო და მათ შორის ფსიქიატრიული დაწესებულებების კონსულტანტი. 1984-1989წწ. იყო თბილისის ბავშვთა მთავარი ფსიქიატრი. ფსიქიატრი, მედიცინის მეცნიერებათა კანდიდატი.

საკანდიდატო დისერტაციის თემა - "ბავშვთა ეპილეფსიის კლინიკურ-ფსიქოპათოლოგიური თავისებურებანი განწყობის ფსიქოლოგიის თვალსაზრისით", დაიცვა 1971 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.242

• საქართველოს ფსიქიატრთა ასოციაცია, წევრი