ვლადიმირ ბოგორად

დაბადების ადგილი: ქ. მოსკოვი.

დაამთავრა მოსკოვის მუსიკალური სასწავლებელი 1956 წელს, მოსკოვის სახელმწიფო კონსერვატორია 1961 წელს (ფაგოტის კლასი).

1977 წელს დაამთავრა ვ. სარაჯიშვილის სახელობის თბილისის სახელმწიფო კონსერვატორიის ასპირანტურა პედაგოგ ო. დიმიტრიადისთან (საოპერო და სიმფონიური დირიჟორობა); 1965-1983წწ. იყო მოსკოვის დიდი თეატრის ორკესტრის ფაგოტის ჯგუფის კონცერტმაისტერი, 1979-1983წწ. აქვე, სტაჟიორ-დირიჟორი; 1983 წლიდან "გოსკონცერტისა" და მოსკოვის ყინულზე ბალეტის ორკესტრის დირიჟორი, 1990 წლიდან კლასიკური ქორეოგრაფიული თეატრის დირიჟორი; 18 წლის მანძილზე თანამშრომლობდა რ. ბარშაის კამერულ ორკესტრთან; ეწეოდა პედაგოგიურ მოღვაწეობას: რუსეთის თეატრალური ხელოვნების აკადემიაში (მიყავდა კურსი: "ბალეტრმაისტერის მუშაობა დირიჟორთან" და "საბალეტო კლავირი და პარტიტურა"); იყო მოსკოვის კონსერვატორიასთან არსებული ცენტრალური მუსიკალური სკოლის მთავარი დირიჟორი, აღზარდა 100-ზე მეტი მოწაფე; ის წლების მანძილზე იყო ქ. ქუთაისის სახელმწიფო სიმფონიური ორკესტრის დირიჟორი; მისი თხზულებებია: მუსიკალური კომპოზიციები საბალეტო დადგმებისათვის: "ამაო სიფრთხილე" (მოსკოვის დიდი თეატრი), "ფანტაზია კაზანოვას თემაზე"(აშშ და მოსკოვის დიდი თეატრი); მის რეპერტუარში იყო: 42 ბალეტი, 48 ოპერა, 500 წარმოდგენა ბალეტისათვის ყინულზე; ფილმი-ბალეტები: დ. თორაძე "მწირი" (1976, საქართველო, დირიჟორი და მუსიკალური ხელმძღვანელი), "პრომეთეოსი" (1984, საქართველო დირიჟორი და მუსიკალური ხელმძღვანელი).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 79

• 1984 - კიევის საკავშირო კინოფესტივალი, პრიზი
• 1977 - ნიუ-იორკის საერთაშორისო ფესტივალი(აშშ), გრანპრი
• 1968 - საერთაშორისო კონკურსი(ლენინგრადი), გრანპრი
• 1965 - საერთაშორისო კონკურსი(ბუდაპეშტი), გრანპრი
• 1963 - საერთაშორისო კონკურსი(პრაღა), გრანპრი