ვახტანგ ბლიაძე

დაბადების ადგილი: სოფელი ახალდაბა, ბორჯომის რაიონი.

ვახტანგ ბლიაძე იყო XX საუკუნის სალამურისა და ფანდურის ცნობილი დამკვრელი და ხალხური საკრვების(ფანდური, ჩონგური, სალამური, ლარჭემი, დუდუკი, ზურნა) ოსტატი; 1966-1967წწ. დაამზადა პატარა ოთხრეგისტრიანი ორგანი(ლ. როინიშვილთან ერთად), ორგანს სამი რეგისტრი ლითონის ჰქონდა, ერთი ხისა; მისივე დამზადებული სამრეგისტრიანი ორგანი ვალეს კათოლიკურ ეკლესიაში დგას; მან შექმნა აგრეთვე ე.წ. "ქართული ორგანის" მაკეტი(ლ. როინიშვილთან ერთად), რომლის დამზადებაც უსახსრობის გამო ვერ მოახერხა; ამავე წლებში ხალხური შემოქმედების სახლთან, ო. კელაპტრიშვილის ინიციატივით, ხალხური საკრავების სახელოსნო-ლაბორატორია დაარსდა, რომელშიც ვახტანგ ბლიაძე ათი წელი მუშაობდა; XVIII-XIX საუკუნეებში ბლიაძეების გვარი განთქმული ყოფილა, როგორც სახელმოხვეჭილი ქართველი მესტვირეების გვარი და ერთ-ერთ ბლიაძეს იმდენად გაუთქვამს სახელი, რომ "ბლიაძე" მესტვირეების სინონიმად ქცეულა.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 78