ალექსი ჭიჭინაძე

დაბადების ადგილი: სოფელი ჭოლევი, წყალტუბოს მუნიციპალიტეტი.

დაამთავრა მოსკოვის უნივერსიტეტის იურიდიული ფაკულტეტი. 1875 წელს მისი ხელმძღვანელობით გაიხსნა პირველი ქართული სკოლა ქუთაისში, რომელმაც უმოკლეს დროში დიდი ავტორიტეტი მოიპოვა საზოგადოებაში; 1880 წელს ქუთაისში დაარსდა სათავადაზნაურო სასწავლებელი, იგი ამ სასწავლებლის ინსპექტორად მიიწვიეს, მან თავისი კერძო სასწავლებელი დახურა და მოსწავლეებიანად ახალ სასწავლებელში გადავიდა; 1886 წელს გადაყვანილ იქნა თბილისის სათავადაზნაურო სასწავლებლის ინსპექტორად, სადაც 1894 წლამდე ეწეოდა ნაყოფიერ პედაგოგიურ მოღვაწეობას; 1894-1900წწ. მუშაობდა თერგის ოლქის სახალხო სკოლების ინსპექტორად; 1900 წელს ერევნის გუბერნიის სახალხო სკოლათა დირექტორად დაინიშნა, ამ თანამდებობაზე მან 1905 წლამდე იმუშვა; 1905-1914წწ. იგი ხონის საოსტატო სემინარიის დირექტორად მოღვაწეობდა. მისი ენერგიული ხელმძღვანელობით სემინარია საუკეთსო პედაგოგიურ სასწავლებლად გადაიქცა; 1914 წელს იგი გადმოყვანილ იქნა თბილისში და დაინიშნა ქართული გიმნაზიის დირექტორად. იყო ეფროსინე ნიკოლაძის მეუღლე და ჰიდროინჟინრისა და საზოგადო მოღვაწის ბესარიონ ჭიჭინაძის მამა. იგი ენერგიულად იბრძოდა სწავლა-აღზრდის სისტემის საფუძვლიანი გაუმჯობესებისათვის და ქართული სკოლის ჯანსაღ პედაგოგიურ საფუძვლებს ამკვიდრებდა ქართულ პედაგოგიკურ ლიტერატურაში. 

წყარო: ქართული საბჭოთა ენციკლოპედია: ტ. 11.-თბ., 1987.-გვ.402; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.139; განმანათლებლობა საქართველოში. იდეები და მოღვაწეები: nateba.webbreeze.net

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1879-1916)

• ცხელი ქვეყნების მცენარეები და ცხოველები სურათებით (ავტორი). - ტფილისი, სახელგამი, 1929. - 102გვ.
• მოკლე საუბარი თუ როგორ უნდა ისწავლებოდეს პირველდაწყებითი კურსი გეოგრაფიისა : სამშობლოს აღწერის სანიმუშო პროგრამით (ავტორი). - ქუთაისი, ჭილაძის და ამხ. სტ., 1907. - 64გვ.
• რიჟრაჟზე სათქმელი : გადმობეჭდილია ჟურნალ "განათლებიდან" N VII, VIII და IX 1915 წლისა : მშობლიურ ენაზე სწავლების ნებართვის გამო (ავტორი). - (ს. ლოსაბერიძის სტ.. - 64გვ.