ბორის ბრეგვაძე

დაბადების ადგილი: ქ. სარატოვი.

დაამთავრა ლენინგრადის ქორეოგრაფიულ სასწავლებელთან არსებული დახელოვნების კლასი 1947 წელს.

1939-1944წწ. სწავლობდა სარატოვის ოპერისა და ბალეტის თეატრთან არსებულ საბალეტო სტუდიაში; 1944 წელს შეასრულა კლასიკური და სახასიათო რეპერტუარის წამყვანი პარტიები, იყო ბაზილის პარტიის პირველი შემსრულებელი(მინკუსი "დონ კიხოტი"); 1947-1971წწ. იყო ლენინგრადის კიროვის სახელობის ოპერისა და ბალეტის თეატრის წამყვანი სოლისტი; პირველი შემსრულებელი: ანდრეი (ბალაკირევის სიმფონიური პოემა "თამარის" მიხედვით), სანდრო (1953, ჩერვინსკის "მშობლიური მინდვრები"); მისი ცეკვა გამოირჩეოდა დიდი ემოციურობით, მაღალი, საშემსრულებლო ტექნიკით; უმთავრესად ასრულებდა გმირულ-რომანტიკულ პარტიებს; 1962 წლიდან იყო ლენინგრადის ქორეოგრაფიული სასწავლებლის კლასიკური ცეკვის პედაგოგი; 1964 წლიდან ლენინგრადის კულტურის ინსტიტუტის ქორეოგრაფიული კათედრის გამგე, 1984 წლიდან პროფესორი; განახორციელა დადგმები: პრაღა "ბალეტის საღამოები", "დონ კიხოტი" (1986), ჩაიკოვსკი "მძინარე მზეთუნახავი" (1999), ცეკვები ტელეფილმ-ოპერაში "ევგენი ონეგინი"(1988, პრაღის ტელევიზია), იყო პედაგოგი  ჰელსინკის თეატრში (1981), ბუდაპეშტის თეატრში (1974, 1985-1986, 1990); ცეკვავდა: ოტელო (ა. მაჭავარიანი "ოტელო"), სოლორი, ბაზილი (მინკუსი "ბაიადერა", "დონ კიხოტი"), არმენი, სპარტაკი (ხაჩატურიანი "გაიანე", "სპარტაკი"), უფლისწული, რომეო, მერკუციო (პროკოფიევი "კონკია", "რომეო და ჯულიეტა"), ფრონდოსი(კრეინი "ლაურენსია"), აკტეონი (პუნი "ესმერალდა").

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 81

• 1957 - რუსეთის ფედერაციის სახალხო არტისტი
• 1954 - რუსეთის ფედერაციის დამსახურებული არტისტი
• 1951 - სტალინური პრემია