ევა ბრიუნელი

დაბადების ადგილი: დაბა მანგლისი, თეთრიწყაროს რაიონი.

დაამთავრა ნიკოლოზ I-ის სახელობის თბილისის ქალთა ინსტიტუტი 1903 წელს.

მუსიკალური განათლება მიიღო რომის კონსერვატორიაში, პედაგოგი, პროფესორი საამბატი(კომპოზიცია); კონცერტებს მართავდა პარიზში, ნიცაში, რომში, რუსეთის ქალაქებში(პეტერბურგი, პავლოვსკი, კისლოვოდსკი) და თბილისში, სადაც 1914 წლის ზაფხულში დირიჟორობდა "ახალი კლუბის" სიმფონიურ ორკესტრს, სოლისტი იყო ვანო სარაჯიშვილი; ევა ბრიუნელი იყო პირველი დირიჟორი ქალი რუსეთის იმპერიაში, ის დირიჟორობდა მხოლოდ სიმფონიურ კონცერტებს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 82; words.com.ge