სოსო სამხარაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1978 წელს.

1979 წელს გაიარა ინტერნატურა ბავშვთა ქირურგიის სპეციალობით თათრეთის ავტონომიური რესპუბლიკის ბავშვთა ცენტრალურ კლინიკურ საავადმყოფოში (ქ. ყაზანი); 1978-1982წწ. თათრეთის ავტონომიური რესპუბლიკის ქ. ლენინგორსკში ბავშვთა საავადმყოფოს ბავშვთა ქირურგიის რაიონთაშორისო განყოფილების ქირურგი; 1982-1987წწ. თბილისის ბავშვთა მე-5 კლინიკური საავადმყოფოს ქირურგიის განყოფილების ქირურგი; 1987-1988წწ. თბილისის ბავშვთა მე-6 კლინიკური საავადმყოფოს ქირურგი; 1988-1990წწ. თბილისის სახელმწიფო სამედიცინო ინსტიტუტის ბავშვთა ქირურგიის კათედრის დასწრებული ასპირანტი; 1990-1995წწ. თბილისის სახელმწიფო სამედიცინო ინსტიტუტის ბავშვთა ქირურგიის კათედრის ასისტენტი; 1995-1998წწ. თბილისის სახელმწიფო სამედიცინო ინსტიტუტის ბავშვთა ქირურგიის კათედრის დოცენტი; 1995-1998წწ. თბილისის ბავშვთა მე-6 კლინიკური საავადმყოფოს მთავარი ექიმის მოადგილე სამედიცინო რეფორმებისა და ეკონომიკის დარგში; 1997-2011წწ. გ. ჟვანიას სახელობის პედიატრიული კლინიკის სასწრაფო გადაუდებელი (ურგენტული) ქირურგიის განყოფილების გამგე; 1998-2011წწ. თბილისის სახელმწიფო სამედიცინო ინსტიტუტის ბავშვთა ქირურგიის კათედრის პროფესორი; 2010 წლიდან "უნიმედ კახეთის", შემდგეგ თბილისის რეფერალური ჰოსპიტლის ბავშვთა ქირურგიის განყოფილების ხელმძღვანელი დღემდე; ასპირანტურაში სწავლის მე-3 კურსზე 1990 წელს მიენიჭა საქართველოს სახელმწიფო პრემია მეცნიერების დარგში; ასპირანტურაში მომზადებული საკანდიდატო დისერტაციის დაცვისასა, როგორც იშვიათი გამონაკლისი, ნაშრომი შეფასდა სადოქტოროდ და ავტორს მიენიჭა პირდაპირ მედიცინის მეცნიერებათა დოქტორის წოდება (მოსკოვი, ჯანდაცვის სამინისტროს პედიატრიის ცენტრალური კვლევითი ინსტიტუტი, 1992); 2002 წელს მას მიენიჭა საქართველოს საატესტაციო კომისიის მიერ პროფესორის სამეცნიერო - პედაგოგიური წოდება. არის 150-მდე სამეცნიერო ნაშრომის, მათ შორის მონოგრაფიის, მეთოდური რეკომენდაციების (8) და სახელმძღვანელოს, 5 გამარჯვებული გრანტის ავტორი. ბავშვთა ქირურგი.

სადისერტაციო თემა - "თრომბოჰემორაგიული სინდრომი მწვავე პერიტონიტების დროს ბავშვებში", დაიცვა 1992 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.146

• საქართველოს ექიმთა საზოგადოება, ბავშვთა ქირურგიის სექტორის წევრი
• საქართველოს ქირურგთა საზოგადოება, წევრი
• საქართველოს ჰუმანიტარულ და სახელოვნებო მეცნიერებათა აკადემია, ნამდვლი წევრი, აკადემიკოსი

• 1990 - საქართველოს სახელმწიფო პრემია