რომან სერებრიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1964 წელს.

1964-1970წწ. იყო რუსთავის საქალაქო საავადმყოფოს ექიმი; 1970-1973წწ. კლინიკური და ექსპერიმენტული ქირურგიის სამეცნიერო-კვლევითი ინსტიტუტის უმცროსი მეცნიერ-თანამშრომელი; 1973-1978წწ. კანისა და ვენერიულ დაავადებათა სამეცნიერო-კვლევითი ინსტიტუტის განყოფილების გამგე; 1978-1988წწ. რესპუბლიკური სამეცნიერო-სამედიცინო ინფორმაციის განყოფილების გამგე; 1988-1995წწ. სამედიცინო-სამეცნიერო ინფორმაციის რესპუბლიკური ცენტრის დირექტორი, 1995 წლიდან ჯანდაცვის მართვის ცენტრის მთავარი მეცნიერ-თანამშრომელი. ავტორია 70-ზე მეტი სამეცნიერო ნაშრომისა, მათ შორის არის 2 მონოგრაფია: "სამედიცინო ტექსტების მანქანური თარგმნა"("საქართველო", 1992), "ინფორმატიკისა და მანქანური თარგმნის პრობლემები"(ხარკოვის უნივერსიტეტის გამომცემლობა, 1993). მედიცინის მეცნიერებათა დოქტორი. საკავშირო ჩემპიონატების პრიზიორი.

საკანდიდატო დისერტაციის თემა - "თერმინალური მდგომარეობის დროს შიდა ვენური და შიდა არტერიული სისხლის გადასხმის საკითხები", დაიცვა 1973 წელს.

სადოქტორო დისერტაციის თემა - "სამეცნიერო-საინფორმაციო რესურსების სისტემური გამოყენება მედიცინის მეცნიერების მართვაში რეგიონალურ დონეზე", დაიცვა 1990 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.250

• დერმატოლოგთა საზოგადოება, წევრი
• პათოფიზიოლოგთა საზოგადოება, წევრი

• სპორტის ოსტატი (მძლეოსნობა)