ეთერ სეხნიაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1954 წელს.

1954-1968წწ. იყო ს. ვირსალაძის სახელობის სამედიცინო პარაზიტოლოგიისა და ტროპიკული მედიცინის სამეცნიერო-კვლევითი ინსტიტუტის ენტომოლოგიის განყოფილების უფროსი ლაბორანტი, 1968-1971წწ. უმცროსი მეცნიერ-თანამშრომელი, 1971-1998წწ. უფროსი მეცნიერ-თანამშრომელი. ავტორია 32 სამეცნიერო ნაშრომისა, რომლებიც ეხება სინანთროპული ბუზების გავრცელებას, ძირითადი სახეობების ბიოლოგიის შესწავლასა და მათ წინააღმდეგ ბრძოლის ღონისძიებებს. ბიოლოგ-ზოოლოგი, მეცნიერებათა კანდიდატი.

საკანდიდატო დისერტაციის თემა - "სინანთროპული ბუზების ფაუნა, ბიოლოგია, ეკოლოგია და მათ წინააღმდეგ ბრძოლის ღონისძიებები აღმოსავლეთ საქართველოში", დაიცვა 1970 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.251

• საქართველოს პარაზიტოლოგთა საზოგადოება, წევრი
• საქართველოს სამედიცინო გეოგრაფიის საზოგადოება, წევრი