გაიანე სიმონია

დაბადების ადგილი: ქ. ცხინვალი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1977 წელს.

1977-1978წწ. გაიარა ინტერნატურის კურსი; 1978-1980წწ. იყო თბილისის სასწრაფო სამედიცინო დახმარების ექიმი; 1980-1986წწ. - საქართველოს მეცნიერებათა აკადემიის ექსპერიმენტული მორფოლოგიის ინსტიტუტის მეცნიერ-თანამშრომელი; 1986–1993წწ. - თბილისის სახელმწიფო სამედიცინო ინსტიტუტის შინაგან სნეულებათა N2 კათედრის ასისტენტი; 1993 წლიდან კათედრის დოცენტი. ავტორია 56 სამეცნიერო ნაშრომის. თბილისის სახელმწიფო სამედიცინო უნივერსიტეტის  სამედიცინო განათლების კვლევებისა და სტრატეგიული განვითარების დეპარტამენტის ხელმძღვანელი. ექიმი-კარდიოლოგი, მედიცინის მეცნიერებათა დოქტორი (1993), პროფესორი (2004).

საკანდიდატო დისერტაციის თემა - "ვოლუმორეგულაციის თავისებურებები და ნატრიურეზუალი ფაქტორების მნიშვნელობა გულის ქრონიკული უკმარისობის დროს", დაიცვა 1987 წელს; სადოქტორო დისერტაციის თემა - "შეშუპების სინდრომის ჰუმორული მექანიზმები გულის ქრონიკული უკმარისობის დროს", დაიცვა 1993 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.252; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.364

• მელატონინი და არტერიული ჰიპერტენზია : მონოგრაფია (თანაავტორი). - თბილისი, მთაწმინდელი, 2013. - 158გვ.. - ISBN: 9789941919961
• შინაგანი სნეულებები : სახელმძღვ. თსსუ-სა და სამედ. ინ-ტების სტუდ. (რედაქტორი). - თბილისი, საქართველოს მაცნე, 2002. - 784გვ. . - ISBN: 9992828617