გიორგი გაბისკირია

დაბადების ადგილი: ქ. ხარბინი, ჩინეთი.

უკრავდა შანხაიში, ნიკ კორინის ორკესტრში; XX საუკუნის 50-იან წლებში ჩამოვიდა სსრკ-ში და დასახლდა მინსკში, სადაც დააარსა ჯაზ-ორკესტრი; 1955 წელს ჩამოვიდა თბილისში და საქართველიოს ფილარმონიასთან დააარსა საესტრადო ორკესტრი, სადაც მიიწვია ახალგაზრდა მომღერლები: გ. ჩოხელი, ე. ჭელიძე, ზ. რცხილაძე, ვ. მაისურაძე, აგრეთვე ვოკალური კვარტეტი: ს. კოროშინაძე, ზ. ხელაია, ა. ცირეკიძე, ზ. გემაზაშვილი; 1956 წელს პირველი კონცერტი გაიმართა "გოფილეტის ბაღში"; 1958 წლიდან კოლექტივს ჰყავდა ორი ხელმძღვანელი, გ. გაბისკირია და გ. ცაბაძე; მას დიდი ღვაწლი მიუძღვის საქართველოში ჯაზის პოპულარიზაციასა და პროპაგანდაში, რაც იმხანად გაბედული ნაბიჯი იყო; ის იყო ჯაზის მუსიკოსი, ჰავაის გიტარის შემსრულებელი, მესაყვირე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 86