რაჟდენ ჯაჯანაშვილი

დაბადების ადგილი: სოფელი კავთისხევი, გორის მაზრა.

დაამთავრა თბილისის სამასწავლებლო ინსტიტუტი 1874 წელს და დანიშნეს მასწავლებლად ახალციხის მაზრის სოფელ ხერთვისში.

1881 წლიდან სიცოცხლის უკანასკნელ დღემდე მუშაობდა მასწავლებლად თბილისის სათავადაზნაურო სასწავლებელში (ვაჟთა ქართული გიმნაზია). მან 1886 წელს გამოსცა "კრებული არითმეტიკული ამოცანებისა და რიცხვითი მაგალითებისა". წიგნი 8 წლის განმავლობაში 4-ჯერ გამოვიდა. ეს იყო მათემატიკის მოსამზადებელი კურსი, რომელიც იხმარებოდა წერა-კითხვის გამავრცელებელი საზოგადოების მიერ გახსნილ სკოლებში; სისტემატურად ბეჭდავდა სხვადასხვა ხასიათის წერილებს თითქმის ყველა იმდროინდელ პერიოდულ გამოცემაში. როგორც პრაქტიკული პედაგოგიური მოღვაწეობით, ისე თავისი წერილებითა და სტატიებით ხელს უწყობდა სახალხო განათლების საქმის გაუმჯობესებას საქართველოში; თარგმნა რამდენიმე მხატვრული ნაწარმოები; წერდა კრიტიკული ხასიათის წერილებს.

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.111-112; განმანათლებლობა საქართველოში. იდეები და მოღვაწეები: nateba.webbreeze.net; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.141

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1882-)

• მეგობარი (ავტორი) // წ. 2. - ტფილისი, ზ. პ. გრიქუროვის გამოც., 1889. - 159, Vგვ.
• კრებული არითმეტიკული ამოცანებისა და რიცხვითი მაგალითებისა : მოსამზადებელი კურსი. დამატება. შემოკლებული სახელმძღვანელო არითმეტიკისა (ავტორი). - ტფილისი, გრ. ჩარკვიანის ქართული წიგნის მაღ. გამოცემა, 1888. - 218გვ.