ვალენტინა გამსახურდია

დაბადების ადგილი: სოფელი დარგალი, ზუგდიდის რაიონი.

დაამთავრა თბილისის მ. მორდკინის ქორეოგრაფიული სტუდია 1916 წელს.

1902-1920წწ. საბალეტო ხელოვნებას პირველად ეზიარა ცირკში, მამის(მამა ცირკის მსახიობი იყო), ძმები ნიკიტინების, ჩინიზელისა და ტრუცის ხელმძღვანელობით; როგორც ბალეტის მოცეკვავე მუშაობდა ბაქოს ამიროვის სახელობის ოპერეტის თეატრში, ხოლო 1918 წლიდან კიევში, ბრეიტმანის სახელობის თეატრში; 1919-1926წწ. იყო ოდესის ოპერისა და ბალეტის თეატრის წამყვანი სოლისტი, მან ოდესაში დააარსა საბალეტო სტუდია, ამასთან ეწეოდა პედაგოგიურ მოღვაწეობას თეატრალურ სასწავლებელსა და კონსერვატორიაში; 1926-1933წწ. იყო ხარკოვის, ლენინგრადის, ნოვოსიბირსკის, გორკის, მინსკის თეატრების სოლისტი და ბალეტმაისტერი; 1933-1934წწ. ზ. ფალიაშვილის სახელობის თბილისის ოპერისა და ბალეტის თეატრის მთავარი ბალეტმაისტერი და საბალეტო დასის სოლისტი; 1940-1945წწ. თბილისის თეატრალური ინსტიტუტის პედაგოგი; მისი დადგმებია: ჩაიკოვსკი "გედების ტბა", დელიბი "კოპელია", დრიგო "არლეკინიადა", ჰერტელი "ამაო სიფრთხილე", "შოპენიანა"; ცეკვების დადგმები ოპერებში: ბიზე "კარმენი", ვერდი "აიდა", გუნო "ფაუსტი", რიმსკი-კორსაკოვი "ოქროს მამალი".

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 96

• 1946 - საქართველოს დამსახურებული მასწავლებელი